6 سالہ بچے نے اپنے دن بھر کا ٹائم ٹیبل بنا ڈالا جس میں لڑنے، آم کھانے، کہانی سننے اور پڑھنے سب کا شیڈول اس نے مرتب کیا ہے۔
بچے من کے سچے ہوتے ہیں ان کے دل میں کیا ہے کسی سے چھپاتے نہیں جیسا کہ ایک 6 سالہ بچے نے اپنے دن بھر کے شیڈول کا ٹائم ٹیبل بنا ڈالا جس میں لڑنے، آم کھانے، کہانی سننے اور پڑھنے سب کے اوقات کار طے کر دیے یہ انوکھا ٹائم ٹیبل سوشل میڈیا پر وائرل ہوگیا ہے۔
سماجی رابطوں کی ویب سائٹ پر وائرل اس دلچسپ ٹائم ٹیبل کو 14 لاکھ سے زائد صارفین دیکھ اور پسندیدگی کا اظہار کرچکے ہیں اور جتنا دلچسپ یہ ٹائم ٹیبل ہے اتنے ہی دلچسپ اس پر تبصرے بھی کیے جا رہے ہیں۔
لائبہ نامی ٹویٹر صارف نے اپنے 6 سالہ کزن موحد کی ایک پوسٹ شیئر کی جس میں دکھایا گیا بچے نے وقت کے حساب سے ہر چیز کے اوقات کار مقرر کیے ہیں جیسا کہ کب اٹھنا، کب سونا اور کھانا کھانا ہے، کب تایا کے گھر جانا اور ان کے ساتھ آم پارٹی کرنا ہے، کب تفریح کرنی ہے اور کب لڑائی، کب چیز کھانی ہے، ٹی وی دیکھنا ہے اور کب پڑھنا ہے۔ حتیٰ کہ باتھ روم جانے، نہانے تک کا ٹائم ٹیبل میں وقت لکھ دیا ہے۔
My 6 year old cousin made this timetable…Bas 15 minutes ka study time, zindgi tu Mohid jee ra hai 😭🤌 pic.twitter.com/LfyJBXHYPI
— Laiba (@Laiiiibaaaa) June 22, 2023
اس بچے کے مرتب کردہ ٹائم ٹیبل سے اس کے شوق کی ترجیحات بھی پتہ چلتی ہیں کیونکہ اس نے ٹائم ٹیبل میں اپنے تمام کاموں کے لیے کافی وقت رکھا ہے۔ موحد نے سب سے زیادہ وقت لڑائی کے لیے رکھا ہے جو کہ تین گھنٹے پر محیط ہے جب کہ پڑھائی کے لیے 24 گھنٹے میں صرف 15 منٹ ہی مختص کیے ہیں جس سے اس کی کزن نے تبصرہ کرتے ہوئے کہا ہے کہ زندگی کو موحد جی رہا ہے۔
"Fighting time" All we have to do is protect ourselves and the house from a cushion attack for three hours…
"Mango time" He eats mango with my Abba…
"Red car" is his favourite toy car and "cheez time" is basically lays and juice time 😅😭— Laiba (@Laiiiibaaaa) June 23, 2023
لائبہ نے ٹائم ٹیبل کی وضاحت کرتے ہوئے بتایا ہے کہ ’لڑائی کا وقت’ ہمیں صرف اتنا کرنا ہے کہ تین گھنٹے تک اپنے آپ کو اور گھر کو موحد کے حملوں سے بچانا ہے۔’آم کا وقت’ وہ میرے ابا کے ساتھ آم کھاتا ہے۔’ریڈ کار’ ان کی پسندیدہ کھلونا کار ہے اور ’چیز ٹائم’ کا مطلب اسنیکس اور جوس ٹائم ہے۔