انڈین پریمیئر لیگ دنیا کی نامور کرکٹ لیگز میں سے ایک ہے اس کا آغاز 2008 کو ہوا تب سے اب تک کرکٹرز نے کروڑوں روپے اس لیگ سے کمائے۔
آج ہم آپ کو ان 10 کرکٹرز کے بارے میں بتائیں گے جنہوں نے آئی پی ایل کے آغاز یعنی 2008 سے اب تک آئی پی ایل کے خزانے سے سب سے زیادہ اپنی دولت میں اضافہ کیا۔
اس فہرست میں سب سے اوپر دو بھارتی کرکٹرز کے نام آتے ہیں جن میں ایک ریٹائر ہوچکے جب کہ دوسرے ابھی بھی کھیل رہے ہیں۔
)
بھارتی کرکٹ ٹیم کے موجودہ کپتان جو آئی پی ایل میں ممبئی انڈینز کی نمائندگی کرتے ہیں۔ انہوں نے اب تک اس لیگ سے 178.40 کروڑ بھارتی روپے کمائے ہیں۔ اس کے ساتھ شراکت دار سابق بھارتی کرکٹر سریش رائنا ہیں جنہوں نے آئی پی ایل کی دو ٹیموں کی نمائندگی کرتے ہوئے اتنی ہی دولت سمیٹی۔
تیسرے نمبر پر سابق بھارتی کپتان ایم ایس دھونی کا نام آتا ہے جو بین الاقوامی کرکٹ سے تو ریٹائر ہوچکے ہیں لیکن آئی پی ایل میں تاحال کھیل رہے ہیں۔ ان کا بھی آئی پی ایل کے ساتھ 2008 سے ساتھ جاری ہے اور اس 16 سالہ سفر میں وہ 174.84 کروڑ روپے تنخواہ حاصل کر چکے ہیں۔
نامور بھارتی بلے باز ویرات کوہلی جو آئی پی ایل کے آغاز سے اب تک رائل چیلنجرز بنگلورو کی نمائندگی کرتے آئے ہیں۔ وہ اپنی دولت میں 173.20 کروڑ روپے کا اضافہ کر چکے ہیں۔
آئی پی ایل سے سب سے زیادہ کمائی کرنے والوں میں پانچویں نمبر پر آل راؤنڈر اسپنر رویندر جڈیجا ہیں جنہوں نے آئی پی ایل کے 16 سالوں کے دوران چار ٹیموں راجھستان رائلز، کوچی ٹسکرس، گجرات لائنز اور چنائی سپر کنگز کی نمائندگی کر چکے ہیں۔ انہوں نے اس لیگ سے 109 کروڑ روپے کمائے ہیں۔
ٹاپ تنخواہ میں چھٹے نمبر پر ویسٹ انڈیز کے مایہ ناز کرکٹر سنیل نارائن کا نام آتا ہے جنہوں نے کولکتہ نائٹ رائیڈر کی نمائندگی کرتے ہوئے اب تک 107.25 کروڑ روپے حاصل کیے ہیں۔
جنوبی افریقہ کے سابق اسٹار کرکٹر اے بی ڈی ویلیئرز آئی پی ایل میں رائل چیلنجرز بنگلورو اور دہلی کیپٹلز 102.52 کروڑ روپے تنخواہ وصول کی۔
سابق بھارتی اوپنر گوتم گمبھیر گوکہ کھیل سے ریٹائرمنٹ لے چکے اور اب کولکتہ نائٹ رائیڈر کے کوچ کی ذمے داریاں نبھا رہے ہیں۔ انہوں نے جب تک آئی پی ایل میں کرکٹ کھیلی تو اس سے 94.2 کروڑ روپے حاصل کیے۔
ایک اور سابق بھارتی اوپنر شکھر دھون نے دہلی کیپٹلز، ممبئی انڈینز، سن رائزس حیدرآباد اور کنگز الیون پنجاب کی نمائندگی کرتے ہوئے 91.8 کروڑ روپے وصول کیے۔
سابق بھارتی وکٹ کیپر بلے باز دنیش کارتھیک 2008 سے ہی آئی پی ایل کا حصہ رہے اور انہوں نے لیگ سے 84.92 کروڑ روپے تنخواہ لی۔
