The news is by your side.

Advertisement

عالمی ادارہ صحت نے کرونا ویکسین کے ابتدائی نتائج کو اہم قرار دے دیا

جینیوا: عالمی ادارہ صحت (ڈبلیو ایچ او) نے کرونا ویکسین کے ابتدائی نتائج کو انتہائی اہم قرار دے دیا ہے۔

بین الاقوامی میڈیا رپورٹ کے مطابق ورلڈ ہیلتھ آرگنائزیشن کے ویکسینیشن محکمے کی ڈائریکٹوریٹ اوبرائن نے ایک انٹرویو میں کہا کہ وبائی بیماریوں کو روکنے کے لیے ضروری ویکسین پر اعتماد کرنا انتہائی اہم ہے۔

کیٹ اوبرائن نے اس امید کا اظہار کیا کہ تجربہ کیے جانے والی دیگر کرونا وائرس کی ویکسینز کے نتائج بھی جلد سامنے آئیں گے، اور ان
ویکسینز کے نتائج موثر آئے تو دنیا کے لئے یہ بڑی کامیابی ہوگی۔

اس سے قبل عالمی ادارہ صحت کے حکام کا کہنا تھا کہ ویکسین کے بعد کچھ جادوئی طور پر تبدیل نہیں ہوگا، احتیاط جاری رکھنی ہوگی، ہمیں مختلف اقسام کی کرونا ویکسین تیار کرنے کی ضرورت ہے۔

یہ بھی پڑھیں: کورونا ویکسین کے بعد کوئی جادوئی تبدیلی نہیں آئے گی ، احتیاط جاری رکھنی ہوگی

جنیوا میں عالمی ادارہ صحت کے حکام نے گفتگو کرتے ہوئے کہا کورونا ویکسین کی تیاری کےتجربات جاری رکھیں جائیں، یہ نہیں سمجھنا چاہیئے کہ2،1 ممکنہ ویکسین کے بعد سب بند کردینا چاہیئے، ہمیں مزید کورونا ویکسین تیارکرنے کی ضرورت ہے۔

واضح رہے کہ امریکا اور روس کی جانب سے کرونا ویکسین کی کامیاب آزمائش کی جاچکی ہے، امریکا کی ویکسین نے کامیابی کے نوے فیصد جبکہ روس کی ویکسین نے بانوے فیصد کامیابی حاصل کی ہے۔

Comments

یہ بھی پڑھیں