ہفتہ, مئی 25, 2024
اشتہار

دنیا میں ایک اور وبا کا خطرہ، ڈبلیو ایچ او نے خبردار کردیا

اشتہار

حیرت انگیز

جنیوا : عالمی ادارہ صحت نے خبردار کیا ہے کہ پوری دنیا میں ایک اور وبا پھیلنے کا خطرہ ہے اگر فوری طور پر ہنگامی اقدامات نہ کیے گئے تو مشکلات مزید بڑھ جائیں گی۔

ڈبلیو ایچ او کا کہنا ہے کہ کورونا وائرس کے بعد کئی ممالک میں رواں سال لوگوں کو خسرہ سے بچاؤ کے ٹیکے نہیں لگائے گئے، جو انتہائی تشویشناک بات ہے، اس صورتحال میں خدشہ ہے کہ اگر متاثرہ علاقوں میں جلد ویکسین نہیں پہنچائی گئی تو خسرہ وبائی شکل اختیار کرسکتا ہے۔

measles vaccine

- Advertisement -

دنیا میں خسرہ کی بیماری بہت تیزی سے پھیل رہی ہے، اس حوالے سےعالمی ادارہ صحت نے خبردارکیا ہے کہ اگرخسرہ کو روکنے کیلئے فوری اقدامات نہ کیے گئے تو سال کے آخر تک دنیا کے نصف سے زیادہ ممالک کو خسرہ کی وباء کا سامنا کرنا پڑ سکتا ہے۔

عالمی ادارہ صحت نے زور دیا کہ ہمیں بچوں کو محفوظ رکھنے کے لیےخسرہ کے خلاف تیزی سے کام کرنے کی ضرورت ہے، دنیا میں معاشی بحران اور تنازعات جیسے مسائل کی وجہ سے خسرہ پر عالمی رہنماؤں کی توجہ کم دکھائی دیتی ہے۔

Diseases

عالمی ادارہ صحت کے جانب سے اعداد و شمار کے مطابق گزشتہ سال دنیا بھر میں خسرہ کے کیسز 79 فیصد بڑھ کر 3 لاکھ سے زیادہ ہوگئے تھے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں