کراچی: پاکستانی شوبز انڈسٹری کی معروف اداکارہ ارمینا رانا خان نے لفٹ سے باہر نکل سیڑھیوں کا انتخاب کرنے کی وجہ سوشل میڈیا پر شیئر کردی۔
تفصیلات کے مطابق پاکستانی فلم و ڈرامہ انڈسٹری کی معروف اداکارہ ارمینا خان نے سماجی رابطے کی ویب سائٹ ٹویٹر پر اپنے ساتھ پیش آنے والے واقعے سے متعلق بتایا کہ 5 افراد بغیر فیس ماسک لفٹ میں داخل ہونے کی کوشش کرنے لگے جس پر وہ لفٹ سے باہر آگئیں۔
اداکارہ کے مطابق انہوں نے لفٹ سے باہر آکر سیڑھیوں سے جانے کو ترجیح دی، ارمینا خان نے ان افراد کے اس طرز عمل پر غصے کا اظہار بھی کیا۔
Okay, I literally had to yell at these guys (5 of them) who tried getting into the elevator with me without masks. I left the space myself, told them off (much to my surprise) and took the stairs instead. Such people can end up killing others if asymptomatic. #ridiculous
— Armeena 🦋 (@ArmeenaRK) October 30, 2020
ارمینا خان نے لوگوں کی جانب سے اس بے احتیاطی پر غصے کا اظہار کرتے ہوئے لکھا کہ ’ایسے لوگ جن میں کورونا کی علامات نہ ہوں دوسرے کی موت کا سبب بن سکتے ہیں۔
واضح رہے کہ اس سے قبل رواں ماہ کی 29 تاریخ کو بھی اداکارہ نے اسی طرح کے واقعے پر شدید برہمی کا اظہار کیا تھا۔
ارمینا رانا خان سوشل میڈیا پر کافی متحرک رہتی ہیں، وہ کئی بار سماجی رابطے کی ویب سائٹ پر کورونا وائرس سے متعلق آگاہی پیغام بھی شیئر کرچکی ہیں، ساتھ ہی وہ مداحوں کو اپنی روزمرہ کی مصروفیات سے متعلق بھی آگاہ کرتی رہتی ہیں۔
