ریاض : سعودی عرب کے ایک اسکول میں 50 برس قبل زیور تعلیم سے آراستہ ہونے والے طلباء ایک مرتبہ پھر اپنی پرانی یادیں تازہ کرنے کے اسکول میں جمع ہوگئے۔
تفصیلات کے مطابق اپنی نوعیت کی اس منفرد اور خوبصورت سرگرمی کا مقصد اسکول دور کی یادیں تازہ کرنا ہے۔ سعودی عرب کی الزلفی گورنری کے اسکول کے پہلے پرنسپل جنہوں نے 1391ھ میں اسکول کھولا اور اس میں داخل ہونے والی پہلی کلاس کے طلباء کو دوبارہ اسکول آنے کی دعوت دی۔
عرب خبر رساں ادارے کا کہنا تھا کہ اس موقع پر الشیخ عبدالعزیز المندیل نے اپنے طلباء کو 50 سال پرانی یادیں تازہ کرنے کے لیے درس بھی دیا۔
اس موقع پر اسکول کی انتظامیہ نے اسکول کی پہلی جماعت کے طلباء کی آمد پر ان کا خیر مقدم کیا، اسکول کی پہلی جماعت کے سوائے ایک طالب علم کے تمام موجود تھے۔ غیر حاضر رہنے والے ان کے ساتھی وفات پا چکے ہیں۔
غیر ملکی خبر رساں ادارے کا کہنا تھا کہ اسکول کی موجودہ انتظامیہ نے اس کے پہلے پرنسپل اور طلباء کی خوب خاطر مدارت کی۔
غیر ملکی خبر رساں ادارے کا کہنا تھا کہ برسوں بعد اسکول میں آنے والے 50 سال پرانے طلباء کا کہنا تھا کہ وہ اسکول کا دورانیہ کبھی نہیں بھول سکتے کیونکہ آج وہ اسی اسکول کی بدولت زندگی کے مختلف شعبوں میں خدمات انجام دے رہے ہیں۔
