دہلی: ہندو اسکول ٹیچر ہیما گولاٹی نے نویں جماعت کے مسلمان طلبا کے ساتھ تحقیر آمیزرویہ اختیار کرتے ہوئے کہا کہ آزادی کے وقت تم لوگ پاکستان کیوں نہیں گئے؟
تفصیلات کے مطابق ہندوستان میں مسلمانوں کے خلاف ’نفرت پر مبنی جرائم‘ کے واقعات میں اضافہ دیکھنے میں آیا ہے ، دہلی میں واقع گورنمنٹ اسکول گاندھی نگر کی ہندو ٹیچر ہیما گولاٹی نے نویں جماعت کے مسلمان طلبا کے ساتھ تحقیر آمیز رویہ اختیار کیا۔
ہندو ٹیچر نے مسلمان طلبا سے سوال کیا کہ ہندوستان کی آزادی میں تم لوگوں کا کوئی کردار نہیں، آزادی کے وقت تم لوگ پاکستان کیوں نہیں گئے؟
طالبہ نے بتایا کہ ٹیچر نے قرآن پاک اور خانہ کعبہ سے متعلق بھی توہین آمیز بیانات دئیے، طلبہ کے والدین نے ٹیچر کو نوکری سے برخاست کرنے اور سخت تادیبی کاروائی کا مطالبہ کردیا ہے۔
ایک ہفتے میں ہندوستانی تعلیمی اداروں میں مسلمان طلبہ سے امتیازی اور توہین آمیز سلوک کا یہ تیسرا واقعہ ہے، تجزیہ نگار وں کا کہنا ہے کہ اسکولوں میں بڑھتی انتہا پسندی کی وجہ مودی سرکار کا ووٹ کی خاطر مذہبی جذبات سے کھلواڑ ہے۔
