The news is by your side.

بیٹنگ کوچ محمد یوسف مڈل آرڈر سے مطمئن کیوں؟

قومی ٹیم کے مسلسل ناکام ہوتے بیٹنگ آرڈر کا بیٹنگ کوچ محمد یوسف بھرپور دفاع کرنے لگے۔

انگلینڈ کے خلاف سیریز کے چھٹے میچ کے بعد گفتگو کرتے ہوئے محمد یوسف مڈل آرڈر کی بجائے محمد نواز اور شاداب کی پرفارمنس گنوانے لگے۔

انہوں نے کہا کہ شاداب خان، محمد نواز نے میچ جتوائے ہیں انہیں جو بتایا گیا ہے وہ اس پر عمل کر رہے ہیں وقت لگتا ہے مڈل آرڈر کی پرفارمنس میں بہتری آئی ہے۔

بیٹنگ کوچ نے کہا کہ ون ڈاؤن تک بیٹنگ آرڈر پتا ہے باقی چیزوں میں وقت لگےگا جو پہلے کسی نے نہیں بتایا اب وہ کر رہے ہیں انہیں سکھا رہا ہوں کہ کس طرف شارٹس کھیلنی ہیں۔

سابق کپتان وسیم اکرم کا کہنا ہے کہ چھٹے ٹی 20 میں انگلینڈ نے پاکستان کو مارا کم گھسیٹا زیادہ ہے

وسیم اکرم نے کہا کہ مہمان ٹیم جیسے کھیلتی ہے ہماری ٹیم ایسا کیوں نہیں کھیل سکتی اگر پاکستان 170 رنز کا تعاقب کرتا تو میچ آخری اوور تک جاسکتا تھا۔

Comments

یہ بھی پڑھیں