اسلام آباد: وزیر اعظم پاکستان میاں شہباز شریف نے شکوہ کیا ہے کہ عمران خان کو ان کے جارحانہ طرز عمل کے باوجود چھوٹ دی جا رہی ہے۔
وزیر اعظم نے منگل کو ایک ٹویٹ میں الیکشن کمیشن سے درخواست کی ہے کہ پاکستان تحریک انصاف کے زیر التوا غیر ملکی فنڈنگ کیس پر فیصلہ سنائے۔
انھوں نے لکھا ‘میں الیکشن کمیشن آف پاکستان سے درخواست کرتا ہوں کہ وہ پی ٹی آئی غیر ملکی فنڈنگ کیس پر طویل عرصے سے التوا کا شکار فیصلہ سنائے۔’
I urge the Election Commission of Pakistan to announce long-delayed judgment on PTI foreign funding case. For long has Imran Niazi been given a free pass despite his repeated & shameless attacks on state institutions. Impunity given to him has hurt the country.
— Shehbaz Sharif (@CMShehbaz) July 19, 2022
انھوں نے شکوے کے انداز میں لکھا کہ ریاستی اداروں پر مسلسل اور شرمناک حملوں کے باوجود عمران نیازی کو طویل عرصے سے کھلی چھوٹ دی جا رہی ہے۔
وزیر اعظم نے اس ‘کھلی چھوٹ’ کو ملک کے نقصان سے بھی جوڑ دیا، انھوں نے لکھا کہ عمران خان کو دی جانے والی چھوٹ نے ملک کو نقصان پہنچایا ہے۔
واضح رہے کہ پی ٹی آئی نے ن لیگی حکومت کے سائے میں منعقد ہونے والے پنجاب کے ضمنی انتخابات میں بھی 20 میں سے 15 نشستیں حاصل کر کے عوام میں اپنی بے پناہ مقبولیت کا ایک اور ناقابل تردید ثبوت دے دیا ہے، اس بے مثال اور بے داغ کامیابی پر ن لیگ کو بھی پی ٹی آئی کو کھلے دل سے مبارک باد دینی پڑی اور اپنی واضح شکست تسلیم کر لی۔