شوبز انڈسٹری کے معروف اداکار ٹیپو شریف نے شادی نہ کرنے کی وجہ بیان کردی۔
اداکار ٹیپو شریف نے گزشتہ دنوں نجی ٹی وی کے مزاحیہ پروگرام میں شرکت کی اور میزبان، مداحوں کی جانب سے پوچھے گئے سوالات کے جوابات دیے۔
میزبان نے کہا کہ ’بھارت میں سلمان خان ہیں اور یہاں آپ ہیں جنہوں نے ابھی تک شادی نہیں کی، بتائیں آپ شادی کیوں نہیں کررہے؟‘
ٹیپو شریف نے کہا کہ ’مجھے اپنے آپ سے ڈر لگتا ہے کیونکہ بہت سے جذبات سے جڑا ہوا ہوں اور اگر یہ سفر کرتے کرتے ایک سے دوسرے پر چلے گئے تو میں ہینڈل نہیں کرپاؤں گا، لوگوں کا دل بھی نہیں توڑنا چاہتا اس لیے کچھ بھی نہیں کرتا۔‘
میزبان نے کہا کہ پھر میں لڑکیوں کو منع کردوں، ٹیپو شریف نے کہا کہ میرے خیال میں خود ہی منع ہوچکی ہیں، چار دن سے لاہور آیا ہوا ہوں مجھے ابا نے بھی فون نہیں کیا لڑکی تو دور کی بات ہے۔
ایک سوال کے جواب میں ٹیپو شریف نے کہا کہ ’بس اسٹاپ پر کھڑا تھا کسی نے کہا ماڈلنگ کرو گے میں ماڈلنگ کرنا شروع ہوگیا۔
اداکار نے کہا کہ گلوکاری کا شوق بچپن سے تھا میں اکیلے میں بہت گاتا تھا لیکن لوگوں کے سامنے شرماتا تھا پھر ایک گلوکاری کا مقابلے کا میزبان تھا جب وہاں لڑکے لڑکیاں گا رہے تھے میں نے سوچا کہ میں بھی کچھ گا لیتا ہوں۔
