The news is by your side.

Advertisement

پی ڈی ایم کا یہ انجام کیوں ہوا؟ بڑا دعویٰ

لاہور: وزیراعلیٰ پنجاب کی معاونِ خصوصی برائے اطلاعات فردوس عاشق اعوان نے پاکستان ڈیموکریٹک موومنٹ (پی ڈی ایم) کے ایسے انجام کی وجہ بیان کردی۔

اے آر وائی نیوز کے مطابق میڈیا سے گفتگو کرتے ہوئے فردوس عاشق اعوان کا کہنا تھا کہ ’پی ڈی ایم اب قصّہ پارینہ بن چکی ہے، اُن کا یہ انجام منافقت کی وجہ سے ہوا‘۔

اُن کا کہنا تھا کہ پی ڈی ایم  درحقیقت ایک دوسرے کو دھوکا دہی کا  پروگرام تھا، ہر جماعت نے اپنے طور پر فوائد حاصل کرنے کی کوشش کی جس میں کچھ بہت کامیاب رہے۔

فردوس عاشق اعوان نے کہا کہ  پی ڈی ایم سے سب سے زیادہ نقصان جعلی ’راج کماری‘ (مریم نواز) کو ہوا۔

مزید پڑھیں: ‘پی ڈی ایم کے بے اختیار صدر فضل الرحمان مستعفی ہو جائیں’

اُن کا کہنا تھا کہ ’عدم اعتماد ٹی وی اسکرین پر نہیں بلکہ اسمبلی کےفلورپر ہوتی ہے، مانگے تانگے کے ممبران سے پی پی کیسےعدم اعتماد لاسکتی ہے‘۔

معاونِ خصوصی کا کہنا تھا کہ ’بچوں کے پیچھے لگ کر مولانا نےجو اپنا انجام کیا وہ آئندہ ایسی غلطی نہیں کریں گے‘۔  انہوں نے مزید کہا کہ ’عمران خان کرونا سے صحت یابی کے بعد تازہ دم  ہوکر سیاسی مخالفین کو شکست دینے کے لیے  تیار ہیں‘۔

Comments

یہ بھی پڑھیں