The news is by your side.

Advertisement

سدھو موسے والا کو آخری رسومات میں دلہا بنانے کی وجہ سامنے آگئی

مانسہ: بھارتی پنجاب کے مشہور نوجوان گلوکار سدھو موسے والا کی آخری رسومات کے دوران انہیں دلہا بنانے کی تصاویر وائرل ہورہی ہیں، جس پر مداحوں کے ذہنوں میں تجسس پایا گیا کہ بلآخر ایسا کیوں کیا گیا لیکن اب اس کی وجہ سامنے آگئی ہے۔

پنجابی گلوکار سدھو موسے والا کو 29 مئی کو ضلع مانسا کے گاؤں جواہرکے میں نامعلوم حملہ آوروں نے فائرنگ کرکے قتل کردیا تھا، گزشتہ روز ان کی آخری رسومات ادا کی گئی۔

آخری رسومات کی ادائیگی کیلئے سدھو موسےوالا کی لاش کو ان کے پسندیدہ ٹریکٹر 5911 میں لے جایا گیا تھا جبکہ ان کو دلہا بھی بنایا گیا تھا۔

بھارتی میڈیا کے مطابق سدھو موسےوالا کو دلہا بنانے کی وجہ پنجابی روایت ہے جس کے تحت اگر مرنے والا شخص جوان اور کنوارہ ہو تو اس کی آخری رسومات دلہا بنا کر ادا کی جاتی ہیں۔

یہ بھی پڑھیں: سدھو موسے والا کس سے شادی کرنے والے تھے؟

خیال رہے کہ سدھو موسےوالا نومبر 2022 میں رشتہ ازدواج میں منسلک ہونے والے تھے، سدھو کا رشتہ ‘اماندیپ کور’ سے ہوا تھا جن کا تعلق کینیڈا سے ہے۔

Comments

یہ بھی پڑھیں