کراچی: وفاق المدارس نے سال 2021 کے نتائج کا اعلان کردیا، جس کے مطابق کامیابی کاتناسب 86.5 فیصد رہا۔
نمائندہ اے آر وائی نیوز کے مطابق وفاق المدارس العربیہ پاکستان کے ناظم اعلیٰ مولانا حفیظ جالندھری اور صدر ڈاکٹر عبدالرزق اسکندر نے کیا۔
اعلامیے کے مطابق سال 2021 کے امتحانات کے لیے مجموعی طورپر4 لاکھ 18ہزار 351 طلبا و طالبات نے داخلہ لیا، جن میں سے چار لاکھ تین ہزار 42 طالب علموں نے امتحانات میں شرکت کی۔
نتائج کے مطابق 3لاکھ 48 ہزار 670 طالب علم کامیاب قرار پائے جبکہ 54 ہزار 372 ناکام رہے۔ اس حساب سے وفاق المدارس العربیہ پاکستان کے سالانہ امتحان میں کامیابی کا تناسب 86.5 فیصد رہا۔
وفاق المدارس کے مطابق درجہ کتب کے طلبہ و طالبات کی تعداد343744 تھی جس میں سے332260نے شرکت کی، جن میں سے280569 امیدوار کامیاب اور51691 ناکام ہوئے، اسی طرح درجہ حفظ کے طلبہ وطالبات کی تعداد74607 تھی، جن میں سے70782نے شرکت کی، جبکہ 68101کامیاب قرار پائے۔
نتائج بمعہ درجہ / پوزیشن ہولڈر
درجہ عالمیہ سال دوم (ایم اے پارٹ2)میں جامعہ قرطبہ کلفٹن کراچی کے گل سید شاہ نے ملکی سطح پر اول پوزیشن، جامعۃ العلوم الاسلامیہ بنوری ٹاؤن کراچی کے محمد ظریف نے دوم جبکہ جامعہ خیرالمدارس ملتان کے حذیفہ حبیب نے تیسری پوزیشن حاصل کی۔
عالمیہ سال اول(ایم اے پارٹ1) میں جامعہ دارالعلوم عیدگاہ کبیر والا خانیوال کے محمد نواز نے اول پوزیشن، جامعۃ العلوم الاسلامیہ بنوری ٹاؤن کراچی کے عبدالماجد، عبدالوہاب اور محمد زبیر(تینوں طلبہ)نے دوم پوزیشن جبکہ جامعہ اشرف المدارس کراچی کے محمد واسل نے سوم پوزیشن حاصل کی۔
عالیہ سال دوم(بی اے پارٹ2) میں جامعہ دارالتقویٰ لاہور کے اسامہ عابد نے اول ، جامعۃ الرشید احسن آباد کراچی کے رفیع اللہ نے دوسری اور جامعہ انوارالقرآن والعلوم نرشک مردان کے شہزاد احمد نے تیسری پوزیشن حاصل کی۔
عالیہ سال اول (بی اے پارٹ 1)میں مدرسہ بیت السلام سگھر چکوال کے عمار معیز نے اول ، جامعہ الہٰیہ لیاقت آباد کراچی کے محمد سبحان اور پراچہ جامعہ اسلامیہ انجرا اٹک کے فیصل حیات خان نے دوم پوزیشن جبکہ مدرسہ عربیہ تعلیم الاسلام کباڑی مارکیٹ کوئٹہ کے رحمت اللہ اور مدرسہ بیت السلام سگھر چکوال کے محمد شاہدنے سوم پوزیشن حاصل کی۔
درجہ ثانویہ خاصہ (ایف اے)میں جامعۃ الرشید احسن آباد کراچی کے ذاکر اللہ نے اول پوزیشن،جامعۃ الرشید احسن آباد کراچی کے محمد جمیل نے دوم پوزیشن جبکہ جامعۃ العلوم الاسلامیہ الفریدیہ اسلام آباد کے سمیع الحق،پراچہ جامعہ اسلامیہ انجرا اٹک کے نصیب اللہ اور مدرسہ معارف القرآن لوند خوڑ مردان کے احسان اللہ نے سوم پوزیشن حاصل کی
درجہ ثانویہ عامہ (میٹرک) میں جامعۃ الرشید احسن آباد کراچی کے معاویہ نے اول پوزیشن،جامعہ عثمانیہ پشاور کے محمد اسماعیل اور جامعۃ الرشید احسن آباد کراچی کے سید عمر باچا نے دوم پوزیشن جبکہ مدرسہ بیت السلام سگھر چکوال کے یاسر محمد اور حسان خان نے سوم پوزیشن حاصل کی۔
درجہ متوسطہ(مڈل)میں مدرسہ فاروقیہ النور ٹاؤن لاہور کے ابوہریرہ شاہد نے اول پوزیشن، جامعہ حنفیہ بوریوالہ وہاڑی کے عثمان الطاف نے دوم پوزیشن جبکہ جامعہ ابوہریریہ میلسی وہاری کے عبداللہ نثارنے ملکی سطح پرسوم پوزیشن حاصل کی۔
دراسات دینیہ سال دوم میں جامعہ دارالعلوم کراچی کے محمد عبداللہ بن احمد فاروق نے اول پوزیشن، دارالعلوم فرقانیہ کوٹیگرام دیر کے اکبر سیدنے دوم پوزیشن اور جامعہ دارالعلوم کراچی کے سید عابد علی نے سوم پوزیشن حاصل کی۔
دراسات دینیہ سال اول میں جامعہ عبداللہ بن مسعود بہلولہ دڑہ چارسدہ کے محمد عارف نے اول پوزیشن، مدرسہ عبداللہ بن مسعود گل مقام دیر کے منصور علی نے دوم پوزیشن اور جامعہ اسلامیہ قادریہ محمد پور سنساراں بہاولنگر کے اسداللہ نے سوم پوزیشن حاصل کی۔
