The news is by your side.

Advertisement

دلخراش واقعہ: بیوی نے ‘بلیڈ ‘ سے شوہر کا گلہ کاٹ دیا

بھارت جرائم وکرائم اور اِنسانیت سُوز خبروں کا مرکز بن چکا ، ایسی ہی ایک اور خبر نے دل دہلا دیا ہے۔

بھارتی میڈیا رپورٹ کے مطابق بھارتی ریاست تلنگانہ کے ضلع ہنکنڈہ میں اندوہناک واقعہ رونما ہوا ہے جہاں بیوی نے اپنے شوہر کا بلیڈ سے گلہ کاٹ دیا ہے۔

مقامی پولیس کے مطابق واقعہ ہنکنڈہ ضلع کے دمیرا منڈل کے پاسراگونڈہ میں پیش آیا، راجو اور ارچنا کی شادی ایک ماہ قبل ہوئی تھی، گھر والوں نے اپنے بیان میں بتایا کہ دونوں خوش وخرم زندگی گزار رہے تھے کہ اچانک اتوار کی رات ارچنا نے پاگلوں کی طرح برتاؤ کیا، صبح اس نے اپنے شوہر کا بلیڈ سے گلہ کاٹ دیا۔

راجو کو شدید زخمی حالت میں ورنگل ایم جی ایم اسپتال منتقل کردیا گیا ہے جہاں اس کی حالت نازک بتائی جاتی ہے۔

یہ بھی پڑھیں: بھارت میں سفاکیت کی انتہا ، پانچ افراد کا لزرہ خیز قتل

ادھر پولیس نے بھی واقعے کی محرکات جاننے کے لئے اپنی کارروائی کا آغاز کردیا ہے، پولیس کا کہنا ہے کہ راجو کے اہل خانہ نے ابھی تک شکایت درج نہیں کرائی، تاہم پولیس کو راجو کی طبیعت سنبھلنے کا انتظار ہے، انکوائری رپورٹ راجو کی فراہم کردہ معلومات کی بنیاد پر کی جائے گی۔

بھارتی میڈیا کے مطابق پولیس نے بتایا کہ جو واقعہ رونما ہوا، اسی طرح کا منظر اداکار اللو ارجن پین انڈیا فلم پشپا میں دکھایا گیا تھا جس میں دکشیانی اپنے شوہر کا گلا بلیڈ سے کاٹتی ہے۔

Comments

یہ بھی پڑھیں