The news is by your side.

Advertisement

بھارت میں سفاکیت کی انتہا ، پانچ افراد کا لزرہ خیز قتل

نئی دہلی: بھارتی ریاست اترپردیش اندوہناک واقعہ رونما ہوا ہے، جہاں گھر میں سوئے افراد کے گلے کاٹ دئیے گئے۔

بھارتی میڈیا رپورٹ کے مطابق اتر پردیش کے کھیوراج پور گاؤں میں قتل کی لرزہ خیز واردات نے سنسنی پھیلادی ہے، جہاں ایک ہی خاندان کے پانچ افراد کو بے رحمی سے قتل کردیا گیا۔

پولیس کے مطابق سفاکانہ واردات گذشتہ رات ہوئی، جہاں نامعلوم ملزمان نے گھر میں گھس کر خاندان کے پانچ افراد کے تیز دھار آلے سے گلے کاٹ ڈالے، سفاک ملزمان نے واردات کو اس وقت انجام دیا جب گھر کے تمام لوگ سو رہے تھے۔

بھارتی میڈیا رپورٹ کے مطابق گلے کاٹنے کے بعد درندوں نے لاشوں کو جلانے کے لئے گھر میں آگ لگادی، آتشزدگی دیکھ کر مقامی افراد کی بڑی تعداد جائے وقوعہ پر پہنچی اور آگ پر قابو پالیا تاہم گھر میں پانچ افراد کی گلہ کٹی لاشیں دیکھ کر انہوں نے فوری پولیس کو اطلاع دی جنہوں نے موقع پر پہنچ کر لاشوں کو ضابطے کی کارروائی کے لئے اسپتال منتقل کردیا۔

پولیس نے واقعے کی مکمل جانچ پڑتال کے لئے گھر کو سیل کرتے ہوئے تحقیقات کا آغاز کردیا ہے۔

واضح رہے کہ پریاگ راج میں اجتماعی قتل کی یہ دوسری واردات ہے اس سے قبل رواں ماہ کی سولہ تاریخ کو بھی گھر سے ایک ہی خاندان کے پانچ افراد کی لاشیں ملی تھیں، واقعہ نواب گنج تھانہ علاقے میں رونما ہوا ہے، جہاں گھریلو تنازعے پر شوہر نے بیوی اور اپنی تین بیٹیوں کو تیز دھار آلے سے قتل کرنے کے بعد خود بھی خودکشی کرلی تھی۔

Comments

یہ بھی پڑھیں