The news is by your side.

Advertisement

سفاک بیوی کے ہاتھوں شوہر کا لرزہ خیز قتل، تفتیش میں ہوشربا انکشاف

حیدرآباد : بھارت میں ایک سنسنی خیز واقعہ سامنے آیا ہے، جہاں ایک بیوی نے شوہر کا دردناک طریقے سے قتل کرکے اسے گھر میں ہی دفنا دیا۔

بھارتی ریاست حیدرآباد کے علاقے ونستھلی پور میں ایک بیوی نے اپنے شوہر کا قتل کرکے اسے گھر کے ہی احاطے میں دفن کردیا۔

پولیس نے قتل کے الزام میں ملزمہ نوشین بیگم اور اس جرم میں اس کی مدد کرنے والے دوست سنیل کمار کو اپنی تحویل میں لے لیا ہے۔

پولیس کے مطابق گگن اگروال اور نوشین بیگم عرف مریادا اگروال نے گزشتہ سال2 جون کو آریہ سماج میں شادی کی تھی۔ شادی کے بعد دونوں میاں بیوی ہنسی خوشی زندگی گزار رہے تھے۔

زندگی میں اہم موڑ اس وقت آیا جب گگن کا ایک دوست سنیل اکثر ان کے گھر ملاقات کے لیے آیا کرتا تھا، اسی دوران نوشین اور سنیل کے درمیان ناجائز تعلقات قائم ہوگئے۔ ان دونوں نے مل کر 8 فروری کو گگن کے قتل کی واردات کو انجام دیا اور اس کے بعد اسے گھر کے پیچھلے حصے میں دفن کردیا۔

قتل کے بعد نوشین بیگم چند دنوں کے لئے منصور آباد میں واقع اپنے میکے چلی گئی۔ وہاں کچھ دنوں تک رہنے کے بعد وہ اپنے شوہر کے گھر پر یہ جاننے کے لیے واپس آئی کہ لاش گلی ہے یا نہیں۔

جب ملزمہ کو اس بات کا یقین ہوگیا کہ کسی کو ابھی تک اس پر کسی قسم کا شک و شبہ نہیں ہوا ہے تب نوشین کچھ دنوں کے لیے اجمیر شریف چلی گئی جہاں اس نے سنیل سے ملاقات بھی کی۔

پولیس کے مطابق نوشین بیگم نے مقامی پولیس اسٹیشن میں اپنے فون کے گم ہونے کی شکایت بھی درج کرائی تھی۔ گگن کے نام پر کروڑوں روپے کی جائیداد ہے، پولیس اس زاویے سے بھی جانچ کرنے کی کوشش کر رہی ہے کہ کہیں پیسوں کی وجہ سے تو نوشین اور سنیل نے اس واردات کو انجام نہیں دیا۔

Comments

یہ بھی پڑھیں