بھارتی حیدرآباد میں ایک افسوسناک واقعہ پیش آیا، بیوی نے شوہر سے صرف 50روپے کا تقاضہ کیا، شوہر نے دینے سے انکار کردیا، شوہر کے انکار سے دلبرداشتہ خاتون نے غصے میں آکر اپنی زندگی کا خاتمہ کرلیا۔
غیر ملکی ذرائع ابلاغ کے مطابق یہ واقعہ آندھراپردیش کے ضلع چتور میں پیش آیا۔ راھا نام کی خاتون نے اپنے شوہر اننت کمار سے خرچ کے لئے صرف 50روپے مانگے تھے، تاہم اس کے شوہر نے یہ رقم دینے سے انکار کردیا، بیوی نے شدید مایوسی کے عالم میں خودکشی کا ارادہ کرلیا۔
جب رادھا کی خودکشی کی خبر اس کے میکے والوں کو دی گئی تو لڑکی کے باپ نے تھانے پہنچ کر مقدمہ درج کرایا، پولیس نے تحقیقات کا آغاز کردیا ہے، جبکہ رادھا کی لاش پوسٹ مارٹم کے بعد اس کے گھر والوں کے حوالے کردی گئی ہے۔
بھارت کی اگر بات کی جائے تو ہر سال لاکھوں لوگ مختلف وجوہات کے باعث اپنی زندگی کا خاتمہ کرلیتے ہیں۔
شوہر کی موت کا صدمہ، بیوی نے بھی خودکشی کرلی
ذہنی صحت بھی اس میں ایک بڑی وجہ ہے، این سی آر بی کی طرف سے جاری کردہ کرائم ان انڈیا 2021 کی رپورٹ کے مطابق 18.6فیصد لوگ بیماری کے باعث اپنی زندگی کا خاتمہ کرلیتے ہیں۔
