لاہور: پنجاب حکومت نے لاک ڈاؤن میں مزید نرمی کا مظاہرہ کرتے ہوئے ایک اور بڑا فیصلہ کرلیا۔
تفصیلات کے مطابق ذرائع محکمہ داخلہ کا کہنا ہے کہ صوبے میں ہوٹلز اور ریسٹورنٹس کو عید کے بعد کام کی اجازت ہوگی، جبکہ تھیٹر اور سینما بھی عید کے بعد ایس اوپیز کے تحت کھلیں گے۔
پنجاب سمیت ملک بھر میں آہستہ آہستہ معمولات زندگی بحالی کی طرف بڑھ رہی ہے۔ لاک ڈاؤن مرحلہ وار ممکنہ طور پر ختم کردیا جائے گا، مختلف شہروں میں مارکیٹیں بھی کھل چکی ہیں۔
حکومت پنجاب کے لاک ڈاؤن میں نرمی کے حوالے سے اہم فیصلے
سندھ اور پنجاب میں شاپنگ مالز بھی اپنا کام بخوبی انجام دے رہے ہیں۔
عید کی مناسبت سے شہریوں کی بڑی تعداد خریداری کے لیے مارکیٹوں کا رخ کررہی ہے۔ البتہ حکومت نے متنبہ کیا ہے کہ لاک ڈاؤن میں نرمی اس وقت تک برقرار رہے گی جب تک شہری احتیاطی تدابیر اپناتے رہیں گے۔
ملک بھر میں آہستہ آہستہ ٹرانسپورٹ سروس بھی بحال ہورہی ہے، ٹرینیں چلانے سے متعلق بھی حکمت زیرغور ہے۔
