site
stats
پاکستان

دہشت گردی کے خلاف جنگ نوازشریف کی قیادت میں‌ جیتیں گے، حمزہ شہباز

لاہور: مسلم لیگ ن کے رہنما حمزہ شہباز نے کہا ہے کہ پنجاب یا ملک کے کسی بھی حصے میں دہشت گردوں کا پیچھا کریں گے اور یہ جنگ میاں محمد نوازشریف کی قیادت میں ہی جیتیں گے۔

لاہور میو اسپتال میں زخمی کی عیادت کرنے کے بعد میڈیا سے گفتگو کرتے ہوئے حمزہ شہباز شریف کا کہنا تھا کہ دہشت گردی کے خلاف جنگ ہر صورت جیتنی ہے، اس معاملے میں ہم اپنی فوج اور رینجرز کے ساتھ ہیں۔

پڑھیں: ’’ لاہور دھماکا: ڈی آئی جی ٹریفک اور ایس ایس پی سمیت 13 شہید، 70 زخمی ‘‘

انہوں نے کہا کہ ملک کے لیے قربانیاں دینے والا کا خون اتنا سستا نہیں کہ اس پر سیاست کی جائے، دہشتگردی کا شکار ہونے والے بھی اسی قوم کے بچے ہیں، ڈی آئی جی ٹریفک اور ایس ایس پی احتجاج کی نگرانی کررہے تھے۔

مزید پڑھیں: ’’ پنجاب میں دہشت گردوں کے خلاف گرینڈ آپریشن کیا جائے، آرمی چیف ‘‘

حمزہ شہباز نے اس عزم کا اظہار کیا کہ پوری قوم دہشت گردی کے خلاف متحد ہے اور ہم  دہشتگردی کے خلاف جاری جنگ میاں نواز شریف کی قیادت میں ہی جیتیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top