موسم سرما اپنے ساتھ بہت سی خوشیاں تو لاتا ہے لیکن ایسی بے شمار بیماریاں بھی پیدا ہوجاتی ہیں جو ہماری قوت مدافعت کو کمزور کردیتی ہیں۔
طبی ماہرین کا کہنا ہے کہ سردی کی شدّت میں اضافہ کے ساتھ ہی آپ اپنی خوراک میں گرم اور صحت بخش غذاؤں کو شامل کرلیں کیونکہ یہ سردی کی عام بیماریوں کے خلاف مزاحمت کا کام کرتی ہیں۔
اے آر وائی ڈیجیٹل کے پروگرام گڈ مارننگ پاکستان میں شوبز انڈسٹری کی معروف اداکاراؤں ندا ممتاز، سعدیہ امام اور ہربلسٹ ڈاکٹر بلقیس نے موسم سرما میں اپنے گھروں میں بنائے جانے والے کھانوں سے متعلق بتایا۔
ندا ممتاز کا کہنا تھا کہ میری والدہ سردیوں میں خاص اہتمام کرتی تھیں جس میں شلجم کا اچار اور دیگر سبزیوں کا اچار لازمی بنایا کرتی تھیں اس کے علاوہ کھانوں میں پائے مچھلی، پالک گوشت آلو گوشت وغیرہ زیادہ بنتا تھا۔
سعدیہ امام نے بتایا کہ پہلے میری امی سردیوں میں سب کی دعوت کیا کرتی تھیں اب یہ ذمہ داری میرے پاس ہے اور دعوت میں پائے، گاجر کا حلوہ چندن کباب وغیرہ بنائے جاتے ہیں۔
ڈاکٹر بلقیس نے کہا کہ ہمارے گاؤں میں سردیوں کے موسم میں بیل کو ذبح کرکے اس کے پکوان بنائے جاتے ہیں، سردی اتنی شدید ہوتی ہے کہ بہت مجبوری میں ہی گھر سے باہر نکلا جاتا ہے۔
انہوں نے کہا بیل کا گوشت بہت گرم ہوتا ہے تو اس کے گوشت سے مختلف پکوان مثلاً کڑاھی، پائے، سوپ اور دیگر ڈشز بنائی جاتی ہیں اور سب دوستوں رشتہ داروں کی دعوت کی جاتی ہے۔
