ممبئی ایئر پورٹ پر خاتون سے کروڑوں کی منشیات برآمد

بھارت کے ممبئی ایئرپورٹ پر غیرملکی خاتون کو 40 کروڑ کی منشیات کے ساتھ حراست میں لے لیا گیا۔

بین الاقوامی خبر رساں ادارے کی رپورٹ کے مطابق 21 سالہ خاتون کا تعلق تھائی لینڈ سے ہے جسے منشیات (کوکین) کی اسمگلنگ کے الزام میں حراست میں لیا گیا ہے۔

بھارتی میڈیا کا کہنا ہے کہ خاتون کو پہلے سے ملنے والی معلومات پر حکام نے گرفتار کیا جو کہ ایتھوپیا سے ممبئی پہنچی تھی۔

خاتون کی تلاشی کے دوران کوئی مشکوک چیز برآمد نہیں کی گئی، تاہم اس کے ٹرالی بیگ سے کئی پیکٹوں میں موجود سفید پاؤڈر برآمد ہوا جسے ٹیسٹ کرنے کے بعد پتہ چلا کہ یہ منشیات ہے۔

ہاسٹل کی نابالغ طالبہ عصمت دری کا شکار

ضبط کی گئی گئی منشیات کی قیمت بین الاقوامی مارکیٹ میں 40 کروڑ روپے بتائی جارہی ہے، خاتون کو حراست میں لے کر مقدمہ درج کرلیا گیا ہے جبکہ مزید تحقیقات کا آغاز کردیا گیا ہے۔

Comments