ابوظبی: متحدہ عرب امارات کی ریاست ابوظبی میں کینیڈین خاتون شہری نے خاتون کی خودکشی کی کوشش ناکام بناتے ہوئے اس کی زندگی بچالی۔
عرب میڈیا کے مطابق ابوظبی میں خاتون اپنی زندگی کا خاتمہ کرنے کے لیے ایک پل سے نیچے چھلانگ لگانے ہی والی تھی کہ کینیڈٰین خاتون نے موقع پر پہنچ کر اس کی خودکشی کی کوشش ناکام بنادی۔
خاتون نے پولیس سے گفتگو کرتے ہوئے کہا کہ میں برج پر خودکشی کرنے جارہی تھی، کینیڈٰن خاتون میرے پاس آیا اور مجھ سے بات کی اور پل سے اترنے میں میری مدد کی۔
ابوظبی کے ڈائریکٹرکرمنل سیکیورٹی بریگیڈیئر جنرل محمد سہیل الراشدی کے مطابق ہم کینیڈا کی خاتون کے کردار اور اس عورت کی مدد کرنے میں اس کے اچھے طرز عمل اور پولیس کو واقعے کی اطلاع کرنے کے اقدام کو سراہتے ہیں۔
مزید پڑھیں: ابوظہبی: ایک شخص نے پیڈسٹرین برج سے لٹک کر خودکشی کرلی
بریگیڈیئر جنرل محمد سہیل الراشدی نے کہا کہ ابوظبی پولیس کمیونٹی کے ممبروں کو معاشرے میں ان کے مثبت کردار اور شراکت کے کردار کو سراہتی ہے۔
واضح رہے کہ گزشتہ سال جون میں ابوظبی کے شیخ راشد بن المکتوم روڈ پر بنے پیڈسٹرین برج سے لٹک کر اپنی زندگی کا خاتمہ کرلیا تھا۔
واقعے کی اطلاع ملتے ہی پولیس کی جانب سے روڈ کو عام ٹریفک کے لیے بند کردیا گیا تھا، خودکشی کرنے والے شخص کی لاش پیڈسٹرین برج سے اتارنے کے بعد روڈ کو ٹریفک کے لیے کھولا گیا۔
پولیس کے مطابق خودکشی کرنے والا ایشین شہری ہے، ریسکیو ورکرز کی جانب سے لاش کو اسپتال منتقل کیا گیا، تحقیقات کے لیے ٹیم تشکیل دے دی گئی تھی۔
