شادی بیاہ میں کھانا کھانے کے دوران لوگ تمیز کا دامن تھام کر رکھتے ہیں مگر کچھ لوگ ایسے بھی ہوتے ہیں جو اپنے پسندیدہ پکوان دیکھ کر رُک نہیں پاتے۔
ایسے افراد اپنے من پسند کھانوں پر اس طرح ٹوٹتے ہیں جیسے دوبارہ کھانا فراہم نہیں کیا جائے اور انتہائی بدتہذیبی کے ساتھ کھانوں کو تناول فرماتے ہیں لیکن جب ان کے سامنے کیمرہ آجائے تو منظر یکدم تبدیل ہوجاتا ہے۔
ایسے واقعات شادی بیاہ و دیگر تقریبات میں رونما ہوتے ہیں جن میں سے اکثر واقعات کیمرے کی آنکھ محفوظ کرلیتی ہے۔
ایسے ہی کچھ مناظر بھارت میں منعقدہ شادی میں عکس بند کیے گئے جس میں ایک خاتون کو کرونا وبا کے دوران منعقدہ شادی میں انتہائی بد تہذیبی کے ساتھ کھانا تناول کرتے ہوئے دیکھا جاسکتا ہے۔
خاتون ابھی اپنے ہاتھ کی مدد سے بڑا سا نوالہ بناکر منہ میں رکھنے والی ہوتی ہیں کہ اچانک ان کی نظر کیمرے پر پڑتی ہے جو ان کے منہ سے بہت نزدیک ہوتا ہے۔
خاتون کیمرے کو دیکھ کر شرمندہ سی ہوجاتی ہیں اور نوالہ واپس پلیٹ میں رکھتی ہیں، پھر تہذیب کے ساتھ چمچے سے کھانا شروع کرتی ہیں اور پھر کیمرے کی طرف دیکھ کر مسکراتی ہیں۔
View this post on Instagram
