16.8 C
Ashburn
ہفتہ, مئی 18, 2024
اشتہار

کراچی : فلیٹ سے ملنے والی خاتون کی لاش معمہ بن گئی

اشتہار

حیرت انگیز

کراچی : ڈیفنس فیز5کھڈا مارکیٹ کے قریب فلیٹ سے خاتون کی لاش ملنے کے بعد پولیس نے شوہر کو گرفتار کرلیا۔

تفصیلات کے مطابق کراچی کے پوش علاقے ڈیفنس کی کھڈا مارکیٹ کے پاس فلیٹ سے پولیس کو ایک خاتون کی لاش ملی ہے۔ جسے ابتدائی کارروائی کیلئے اسپتال منتقل کیا گیا۔

ایس ایس پی ساؤتھ اسدرضا نے اے آر وائی نیوز کو بتایا کہ خاتون کے چہرے پر بدترین تشدد کےنشانات تھے جس کے بعد پولیس نے جناح اسپتال سے خاتون قتل کے الزام میں اس کے شوہر کو حراست میں لے لیا ہے۔

- Advertisement -

پولیس کے مطابق خاتون کی لاش کا پوسٹ مارٹم کیا جارہا ہے، شوہر سے ابتدائی تفتیش میں ملزم نے اعتراف کیا ہے کہ اس کا گزشتہ رات بیوی سے جھگڑا ہوا تھا۔

پولیس کا کہنا ہے کہ ملزم مقتولہ کو ذہنی مریض قرار دے رہا ہے، دونوں میاں بیوی نے ایک ماہ قبل کھڈا مارکیٹ کے اس فلیٹ میں رہائش اختیار کی تھی، تاہم مزید تحقیقات جاری ہیں پوسٹ مارٹم رپورٹ کے بعد مزید حقائق سامنے آئیں گے۔

علاوہ ازیں پنجاب کے شہر گوجرانوالہ کے علاقے گکھڑ میں نشے کےعادی شوہر نے جھگڑے کے بعد بیوی کو قتل کردیا، مقتولہ6بچوں کی ماں تھی، ملزم واردات کے بعد موقع سے فرار ہوگیا جس کی تلاش جاری ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں