The news is by your side.

بل کیوں دوں؟ خاتون نے اسنیکس میں لال بیگ ڈال دیا

کراچی: شہر قائد میں انٹرنیشنل فوڈ آؤٹ لیٹ کے اسنیکس میں لال بیگ کا راز فاش ہوگیا۔

تفصیلات کے مطابق کراچی میں انٹرنیشنل فوڈ آؤٹ لیٹ کے اسنیکس میں دو خواتین نے لال بیگ ڈال کر اسے برآمد کرنے کا جھوٹا دعویٰ کیا اور بل دئیے بغیر رفو چکر ہوگئیں۔

نمائندہ اے آر وائی نیوز کے مطابق دونوں خاتون اپنے بیگ میں رکھے ٹشو پیپر میں لال بیگ رکھ کر لائی تھیں اور بل دینے سے بچنے کے لیے اس میں لال بیگ ڈال دیا۔

سی سی ٹی وی فوٹیج میں دیکھا جاسکتا ہے کہ خاتون بیگ میں سے ٹشو پیپر نکال کر ڈونٹس میں لال بیگ ڈال رہی ہیں اور عملے سے بل نہ دینے کے لیے جھگڑ بھی رہی ہیں۔

انتظامیہ کی جانب سے لال بیگ نکلنے کے دعوے کی تحقیقات کی گئی تھیں، تحقیقات میں خاتون کے قصور وار ہونے پر ویڈیو جاری کی گئی ہے۔

خاتون کی جانب سے یہ اقدام کیوں اٹھایا گیا یہ واضح طور پر معلوم نہیں ہوسکا ہے تاہم ذرائع کا کہنا ہے کہ وہ بل دئیے بغیر روانہ ہوئی ہیں اس سے ظاہر ہوتا ہے کہ وہ پیسے دئیے بغیر جانا چاہتی ہیں اس ہی لیے ڈونٹس میں لال بیگ ڈالا گیا۔

Comments

یہ بھی پڑھیں