نئی دہلی : بھارت میں ایک اندوہناک ٹریفک حادثے میں خاتون مسافر بس کے نیچے آکر کچل گئی، جس کی ویڈیو سوشل میڈیا پر وائرل ہورہی ہے۔
بھارتی دارالحکومت نئی دہلی کے قرول باغ کی ایک مصروف شاہراہ پر یہ حادثہ گزشتہ روز پیش آیا، جس میں ایک خاتون سڑک عبور کرنے کی کوشش کرتے ہوئے بس کے نیچے آکر کچلی گئی۔
ویڈیو میں دیکھا جاسکتا ہے کہ سڑک پر چلتے چلتے وہ خاتون ایک بس کے ساتھ ساتھ چلنے لگی حالانکہ بس کی رفتار بھی کافی حد تک کم تھی۔
Don't rush while crossing the road!
Woman Tries To Cross #Delhi Road, Run Over By #Bus#Video #Viral #news #UnMuteIndiaWatch And Subscribe To Our Youtube Page For More Such Videos: https://t.co/RkH6Ggu3FV pic.twitter.com/48D3ejmOTO
— UnMuteINDIA (@LetsUnMuteIndia) October 31, 2022
اس بات سے یہ اندازہ لگایا جاسکتا ہے کہ ڈرائیور کا دھیان بھی کم رفتاری کی وجہ سے سڑک پر نہیں تھا اور اس کی بےدھیانی میں بس مذکورہ خاتون پر چڑھتی چلی گئی اور خاتون کا سر پہیوں کے نیچے آگیا۔
پیچھے سے آنے والی گاڑی کے ڈرائیور نے خاتون کو تڑپتے ہوئے دیکھا تو گاڑی روک لی، تاہم اسپتال جانے سے قبل ہی خاتون نے زخموں کی تاب نہ لاتے ہوئے موقع پر ہی دم توڑ دیا۔
بھارتی میڈیا کے مطابق متوفیہ کی شناخت سپنا یادو کے نام سے کی گئی ہے، وہ مشرقی دہلی کے شاستری پارک کی رہائشی اور ایک کال سینٹر میں ملازمت کرتی تھی۔
