تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

کرایے پر جھگڑا: خاتون نے ٹیکسی ڈرائیور کو تھپڑ جڑ دیا

بھارت میں خاتون ٹیکسی ڈرائیور سے کرایے کے معاملے پر جھگڑ پڑیں جس کی ویڈیو سوشل میڈیا پر وائرل ہوگئی۔

بھارتی میڈیا رپورٹس کے مطابق ریاست لکھنؤ میں خاتون کی جانب ایک ٹیکسی ڈرائیور کو تھپڑ مارنے اور چپل سے پٹائی کرنے کی ویڈیو سوشل میڈیا وائرل ہوگئی۔

مذکورہ واقعہ 21 اگست کو لکھنؤ کے ٹیڈی پلیا مین چوک پر پیش آیا جب دو نوجوانوں اور خاتون کو کرائے پر ایک ٹیکسی ڈرائیور سے لڑتے دیکھا گیا۔

وائرل ویڈیو میں ٹیکسی ڈرائیور کو ایک پولیس اہلکار سے مدد مانگتے دیکھا جاسکتا ہے۔

ڈرائیور جیسے ہی اہلکار سے مدد مانگتا ہے اسی دوران خاتون نمودار ہوتی ہیں اور اسے تھپڑ مارتی ہے اور اس کی چپلوں سے پٹائی کرنا شروع کردیتی ہیں۔

ٹیکسی ڈرائیور کو مار کھاتا دیکھ کر پولیس اہلکار اسے بچانے کے لیے آگے آئے۔

رپورٹ کے مطابق دو لڑکوں اور ایک عورت نے اس کی ٹیکسی میں سواری کی لیکن ڈرائیور کی جانب سے مانگا گیا پورا کرایہ ادا کرنے سے انکار کردیا۔

کرایے کے معاملے پر ان کے درمیان جھگڑا شروع ہوگیا اور تینوں نے ڈرائیور کو مغلظات بکیں۔

متاثرہ ڈرائیور کا کہنا تھا کہ ان سے کرایہ مانگا تھا، کرایہ دینے کے بجائے انہوں نے مجھے مارنا پیٹنا شروع کردیا، لڑائی دیکھ کر لوگوں کا ہجوم اکٹھا ہوگیا اس دوران ایک شخص نے ویڈیو بنا کر سوشل میڈیا پر پوسٹ کردی۔

رپورٹ کے مطابق خاتون کے خلاف ابھی تک کوئی شکایت درج نہیں کی گئی، پولیس کا کہنا ہے کہ کسی فریق کی جانب سے کوئی شکایت موصول نہیں ہوئی۔

Comments

- Advertisement -