The news is by your side.

Advertisement

لندن: چاقو زنی کی واردات میں خاتون قتل‘ ملزم گرفتار

لندن: جنوبی لندن کے علاقے برکسٹن میں چاقو زنی کی واردات میں خاتون ہلاک ہوگئی، پولیس نے ملزم کو گرفتار کرلیا۔

تفصیلات کے مطابق لندن کے علاقے برکسٹن میں چاقوزنی کی واردات میں خاتون جان کی بازی ہارگئی، ، پولیس نے واردات میں ملوث ملزم کو گرفتار کرکے تفتیش شروع کردی۔

پولیس حکام کا کہنا ہے کہ چاقو زنی کی واردات میں شدید زخمی ہونے والی خاتون کی ایئرایمبولینس کے ذریعے جان بچانے کی کوشش کی گئی لیکن خاتون زخموں کی تاب نہ لاتے ہوئے چل بسی۔

مشرقی لندن میں چاقو زنی کی 3 وارداتیں‘ 6 افراد زخمی

خیال رہے کہ رواں ماہ 6 اپریل کومشرقی لندن میں چاقو زنی کی تین وارداتوں میں 6 افراد زخمی ہوگئے تھے، پولیس نے وارداتوں میں ملوث 2 ملزمان کو گرفتار کرلیا تھا۔

یاد رہے کہ لندن میں چاقوزنی کی وارداتوں اور فائرنگ کے واقعات میں تیزی سے اضافہ ہوا ہے، رواں سال فروری کے مہینے میں 15 افراد کو چاقو کے وار سے قتل کردیا گیا تھا۔

لندن نے جرائم میں نیویارک کو پیچھے چھوڑ دیا

واضح رہے کہ برطانیہ کے دارالحکومت لندن نے جرائم کی شرح میں امریکی شہر نیویارک کو بھی پیچھے چھوڑ دیا، لندن میں رواں سال چاقو زنی کی وارداتوں میں 50 افراد قتل ہوچکے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں