نئی دہلی : سیلفی کے جنون میں خاتون سمندر میں گرئیں، موقع پر موجود فوٹوگرافر نے اپنی جان داؤ پر لگاکر سمندر میں چھلانگ لگائی اور خاتون کو ڈوبنے سے بچایا۔
میڈیا رپورٹس کے مطابق سیلفی لینے کے دوران خاتون کے سمندر میں گرنے کا واقعہ بھارتی دارالحکومت دہلی کے مشہور سیاحتی مقام گیٹ وے آف انڈیا کے قریب پیش آیا، جہاں ایک خاتون سیلفی کا شوق پورا کرتے ہوئے بحر عرب میں گرگئیں۔
کرونا وبا کے باعث گیٹ وے آف انڈیا گزشتہ دو برسوں سے بند ہے جس کے باعث وہاں لوگوں کا رش بھی کم ہوگیا ہے لیکن خوش قسمتی سے ارد گرد موجود فوٹوگرافروں نے خاتون کو سمندر برد ہوتے دیکھ لیا۔
ایک فوٹو گرافر نے خاتون کو بچانے کی خاطر اپنی جان کی پروا کیے بغیر سمندر میں چھلانگ گئی اور خاتون کو ڈوبنے سے بچایا۔
گلاب گوڑ نامی فوٹو گرافر کے جرآت مندانہ اقدام کی ویڈیو ساتھی فوٹوگرافرز نے اپنے موبائل کیمروں کی مدد سے محفوظ کرلیں، جس کے سوشل میڈیا پر وائرل ہوتے ہی صارفین گلاب گوڑ کی ہمت کو خوب داد دے رہے ہیں۔
