اسلام آباد : کار سوار خاتون کی پولیس افسران کو دھمکیاں اور گالم گلوچ، مقدمہ درج -
The news is by your side.

Advertisement

اسلام آباد : کار سوار خاتون کی پولیس افسران کو دھمکیاں اور گالم گلوچ، مقدمہ درج

اسلام آباد : بغیر نمبر پلیٹ کار سوار خاتون کی حساس علاقے میں داخلے سے روکنے پر پولیس کو دھمکیاں اور مغلطات بکنے والی خاتون کیخلاف مقدمہ درج کرلیا۔

تفصیلات کے مطابق اسلام آباد میں خاتون کی بغیر نمبر پلیٹ کار میں ڈپلومیٹک انکلیو میں جانے کی کوشش اور پولیس اہلکار کو دھمکیاں دینے کا واقعہ پیش آیا ہے۔

ڈاکٹر شہلا نامی خاتون پولیس اہلکاروں کی جانب سے روکے جانے پر آپے سے باہر ہوگئی اور ڈیوٹی پر موجود اہلکار کو سنگین نتائج کی دھمکیاں اور گالم گلوچ کی، ساتھ بیٹھا بیٹا اپنی ماں کو منع کرتا رہا لیکن وہ پھر بھی باز نہ آئی۔

پولیس اہلکاروں کی جانب سے اطلاع کرنے پر متعلقہ تھانے کی پولیس پہنچی تو وہ خاتون انہیں دیکھ کر فرار ہونے میں کامیاب ہوگئی۔

ڈیوٹی پر تعینات پولیس افسر نے خاتون کیخلاف تھانہ سیکرٹریٹ میں درخواست دے دی، درخواست میں کہا گیا ہے کہ ڈاکٹر شہلا نامی خاتون کی جانب سے اہلکاروں پر گاڑی چڑھانے کی کوشش کی گئی اور ڈیوٹی پر موجود اہلکاروں کو سنگین نتائج کی دھمکیاں دی گئیں۔

اس کے علاوہ بیریئر پر گاڑی ٹکرانے اور اہلکاروں سے گالم گلوچ بھی کی گئی، خاتون کے خلاف مقدمہ درج کرکے کارروائی کی جائے۔

Comments

comments

یہ بھی پڑھیں