شکر گڑھ میں مبینہ طور پر بیٹا پیدا نہ ہونے پر سسرالیوں نے بہو کو تشدد کا نشانہ بنا ڈالا۔
تفصیلات کے مطابق صوبہ پنجاب کے ضلع شکرگڑھ میں مبینہ طور پر بیٹا نہ پیدا کرنے پر سسرالیوں نے بہو کو تشدد کا نشانہ بنایا اور زہر بھی پلاکر نیم مردہ حالت میں میکے کے باہر پھینک کر چلے گئے۔
پولیس کے مطابق خاتون پر تشدد کا واقعہ 21 اگست کو پیش آیا، متاثرہ خاتون کی والدہ کی مدعیت میں لیسر تھانے میں شوہر اور سسر سمیت 5 افراد کے خلاف مقدمہ درج کر لیا گیا ہے۔
خاتون کی والدہ نے بتایا کہ بیٹی کی ایک سال قبل شادی ہوئی تھی، ڈیڑھ ماہ کی بچی ہے، بیٹا نہ پیدا کرنے پر تشدد کیا گیا، سسرالیوں نے زہر دے کر گھر کے باہر پھینکا اور چلے گئے۔
والدہ کا بتایا کہ ہیلتھ سینٹر میں لیڈی ڈاکٹر نہ ہونے پر میڈیکل وقت پر نہیں ہو سکا تھا دوسری جانب پولیس کا کہنا ہے کہ اب تک کوئی گرفتاری عمل میں نہیں آسکی ہے، مزید تفتیش جاری ہے۔
