The news is by your side.

Advertisement

واٹس ایپ پر خاتون کی تصویر لگانا نوجوان کو مہنگا پڑگیا، اسپتال منتقل

نئی دہلی: بھارت میں واٹس ایپ جھگڑے کا سبب بننے لگا

بھارتی میڈیا رپورٹ کے مطابق ریاست حیدرآباد کے علاقے پرانے شہر میں واٹس ایپ جھگڑے کا باعث بن گیا۔

مقامی پولیس کے مطابق اکرم نامی نوجوان نے محسن نامی نوجوان کی خالہ زاد بہن کی تصویر واٹس ایپ کی ڈی پی پر لگا رکھی تھی، جس پر محسن نے اعتراض کیا اور اکرم کو سخت الفاظ میں کہا کہ اس تصویر کو فوری ہٹادو اور دوبارہ ایسی غلطی نہیں کرنا۔

اکرم نے محسن کی بات کو سنی ان سنی کردی اور ہٹ دھرمی کا مظاہرہ کیا، اسی دوران دونوں میں بحث تکرار ہوئی اور جھگڑے میں اکرم اور اسکے ساتھیوں نے محسن کو شدید زدوکوب کیا۔

مقامی پولیس کے مطابق محسن نے خوفزدہ ہوکر بھاگنے کی کوشش کی تو اکرم نے محسن پر چاقو سے حملہ کردیا جس کے نتیجے میں وہ شدید زخمی ہوگیا۔

بعد ازاں راجیندرنگر پولیس نے موقع پر پہنچ کر زخمی کو علاج کے لیے اسپتال میں منتقل کیا، جہاں اس کی حالت تشویشناک بتائی جاتی ہے جبکہ پولیس نے اقدام قتل کا مقدمہ درج کرتےہوئے کارروائی کا آغاز کردیا ہے۔

Comments

یہ بھی پڑھیں