اگر آپ بینک لاکر میں اپنی رقم رکھنے کے بعد اسے مکمل محفوظ سمجھتے ہیں تو اس خبر کو پڑھنے کے بعد آپ تھوڑے فکر مند رہیں گے۔
میڈیا رپورٹس کے مطابق بھارت کی ریاست اتر پردیش سے تعلق رکھنے والی خاتون نے بیٹی کی شادی کیلیے 18 لاکھ روپے جمع کیے اور اسے بینک لاکر میں محفوظ کر لیا۔
ایک دن مینجر کی جانب سے خاتون کو مینٹینس کیلیے بینک طلب کیا گیا۔ جب لاکر کھولا گیا تو خاتون کے پیروں تلے زمین نکل گئی۔ انہوں نے دیکھا کہ دیمک نوٹوں کو چاٹ چکی ہے۔
- Advertisement -
خاتون کے وہم و گمان میں بھی نہیں تھا کہ بینک لاکر میں رکھی رقم دراصل غیر محفوظ ہے۔ بینک مینجر نے نوٹس لیتے ہوئے معاملے کی انکوائری اور نقصان کا تخمینہ لگانے کی ہدایت کر دی۔
خیال رہے کہ یہ کوئی پہلا واقعہ نہیں، فروری میں ایک خاتون نے بینک لاکر میں 2 لاکھ 15 ہزار روپے رکھے تھے جس میں سے 2 لاکھ روپے دیمک چاٹ گئی تھی۔
