لاہور کے علاقے ڈیفنس سی میں نامعلوم ملزمان نے گھر میں گھس کر خواتین پر تشدد کیا تاہم پولیس اب تک کسی ملزم کو گرفتار نہ کر سکی۔
ملزمان کے خواتین پر تشدد کی فوٹیج منظر عام پر آگئی۔ ایک متاثرہ خاتون نے بتایا کہ پولیس نے تشدد کے واقعے کا مقدمہ 5 روز بعد درج کیا، 2 نامعلوم سمیت 8 ملزمان نے گھر میں گھس کر تشدد کیا۔
خاتون نے بتایا کہ فیصل، حسنین، رباب غفور، زین، ہارون، منا اور 2 نامعلوم ملزمان نے تشدد کیا، انہوں نے دیوار پھلانگ کر جوان بیٹیوں کو بھی تشدد کا نشانہ بنایا۔
- Advertisement -
موبائل فون سے ریکارڈ کی گئی فوٹیج میں ملزمان کو خواتین پر تشدد کرتے ہوئے دیکھا جا سکتا ہے۔
ادھر، ایس پی کینٹ نے اپنے بیان میں کہا کہ ملزمان کے خلاف مقدمہ درج کر کے گرفتاری کی ہدایت کر دی ہے، ملزمان کی گرفتاری کیلیے ٹیم تشکیل دی ہے اور چھاپے مارے جا رہے ہیں۔