The news is by your side.

Advertisement

سعودی عرب میں‌ خواتین کیلئے علیحدہ ساحل بنانے کے منصوبے پر کام شروع

ریاض : سعودی حکومت نے خواتین کی سیر و تفریح کےلیے جدہ پر علیحدہ ساحل بنانے کا منصوبہ شروع کردیا۔

تفصیلات کے مطابق خلیجی ریاست سعودی عرب کے ولی عہد محمد بن سلمان کے وژن 2030 کے تحت خواتین کےلیے جدہ پر علیحدہ سے ساحل بنانے کا سنگ بنیاد رکھا گیا ہے۔

لیڈیز ساحل کی تیاری کے لیے سی فرنٹ منصوبے کا سنگ بنیاد میئر جدہ صالح الترکی نے رکھا، جس سے سعودی شہریوں کو نیا تشخص ملے گا اور معیار زندگی بہتر بنانے کے پروگرام نافذ کیے جائیں گے۔

سعودی حکام کا کہنا تھا کہ جدہ سی فرنٹ منصوبہ متعدد پروگراموں پر مشتمل ہے، منصوبے کی تکمیل کے بعد سعودی شہری اور جدہ میں مقیم غیرملکی راحت محسوس کریں گے۔

منصبوے کے مطابق جزیرہ النورس کو سی فرنٹ سے جوڑ دیا جائے گا اور جزیرہ النورس میں 25 کلو میٹر طویل واکنگ ٹریک بنایا جائے گا۔

میئر جدہ نے میڈیا کو بریفنگ دیتے ہوئے بتایا کہ لیڈیز کے لیے سپیشل ساحل ہوگا، ہیلتھ کلب اور گیمز زون بنایا جائے گا۔

Comments

یہ بھی پڑھیں