نئی دہلی : ورلڈ بینک نے مالی سال 26-2025 کیلئے بھارت کی اقتصادی ترقی کی رفتار کم کرکے 6.3 فیصد کر دی۔

تفصیلات کے مطابق جنگی محاذ اور سفارتی سطح پر ناکامی کے بعد بھارت کیلئے معاشی میدان سےبھی بری خبریں آنے لگیں۔

ورلڈ بینک نے مالی سال 26-2025 کیلئے بھارت کی اقتصادی ترقی کی رفتار کم کر کے 6.3 فیصد کر دی۔

بھارتی اخبار دی ہندو نے بتایا کہ رواں سال جنوری میں یہ شرح 6.7 فیصد متوقع کی گئی تھی تاہم یہ کمی برآمدات اورسرمایہ کاری کی سست رفتار کے پیش نظر کی گئی۔

10 جون کو واشنگٹن میں جاری ہونیوالی عالمی اقتصادی امکانات رپورٹ میں یہ بات کہی گئی کہ گرتی عالمی ڈیمانڈاورتجارتی رکاوٹوں کی بدولت بھارتی معیشت سست روی کا شکار ہے۔

بھارتی اخبار کا کہنا تھا کہ بھارت کی برآمدات میں کمی اہم تجارتی شراکت داروں کی عدم دلچسپی کے باعث ہوئی ہے۔

ورلڈبینک کی یہ پیشگوئی ریزرو بینک آف انڈیا کی 6.5 فیصدکی حالیہ پیش گوئی سے بھی کم ہے، مودی کے ہندو توا نظریے اور جنگی جنون نے عالمی سرمایہ کاروں کو بھارت آنے سے خوف میں مبتلا کیا۔