پاکستانی معیشت کی کارکردگی اطمینان بخش ہے، عالمی بینک -
The news is by your side.

Advertisement

پاکستانی معیشت کی کارکردگی اطمینان بخش ہے، عالمی بینک

نیویارک : عالمی بینک نے پاکستانی معشیت میں بہتری کو اطمینان بخش قرار دے دیا، ورلڈ بینک پاکستان کیلئے مزید ڈیویلپمنٹ قرضوں کی فراہمی پر غور کر رہا ہے.

وزیر خزانہ اسحاق ڈار سے ملاقات میں عالمی بینک کی سربراہ نے ڈیولپمنٹ پالیسی کریڈٹ لونز کے حوالے سے کیے جانے والے اقدام کی رفتار کی تعریف کی، ورلڈ بینک پاکستان کیلئے مزید ڈیویلپمنٹ قرضوں کی فراہمی پر غور کر رہا ہے اور اس ضمن میں وزیر خزانہ سے شعبوں کی نشاندہی کرنے کو کہا۔

وزیرِ خزانہ نے بجلی کے شعبے کے لیے قرضے کی فراہمی کے فیصلے پر بھی عالمی بینک کا شکریہ ادا کیا، جو منظوری کے لیے بارہ نومبر کو عالمی بینک کے بورڈ کے اجلاس میں پیش کیا جائے گا.

عالمی بینک کی نائب صدر نے کہا کہ توانائی کے شعبے کے لیے قرضے کی فراہمی سے پاکستان میں بحران سے نمٹنے میں مدد ملے گی.

Comments

comments

یہ بھی پڑھیں