کولکتہ: ورلڈ کپ کے 44ویں میچ میں انگلینڈ نے پاکستان کو باآسانی 93 رنز سے شکست دے دی۔
کولکتہ کے ایڈن گارڈن اسٹیڈیم میں کھیلے گئے میچ میں پاکستان کی ٹیم انگلینڈ کی جانب سے دیے گئے 338 رنز کے تعاقب میں 244 رنز پر ڈھیر ہوگئی۔
آغا سلمان 51 رنز بنا کر نمایاں رہے، عبداللہ شفیق بغیر کوئی رن بنائے پویلین لوٹ گئے، فخر زمان ایک رن پر ڈیوڈ ولی کو وکٹ دے بیٹھے، کپتان بابر اعظم 38 رنز بنا کر چلتے بنے۔
محمد رضوان 36 رنز پر معین علی کا نشانہ بنے، سعود شکیل 29 رنز بنا کر آؤٹ ہوئے، افتخار احمد 3، شاداب خان 4 رنز بنا کر پویلین لوٹ گئے۔
شاہین شاہ آفریدی کو 25 رنز پر ایٹکسن نے بولڈ کیا۔ حارث رؤف نے 35 رنز بنائے، وسیم جونیئر 16 رنز بنا کر ناٹ آؤٹ رہے۔
انگلینڈ کی جانب سے ڈیوڈ ولی نے تین کھلاڑیوں کو پویلین کی راہ دکھائی، عادل رشید، ایٹکسن اور معین علی نے دو، دو وکٹیں حاصل کیں۔
اس سے قبل انگلینڈ نے مقررہ اوورز میں 9 وکٹوں کے نقصان پر 337 رنز بنائے اور پاکستان کو جیت کے لیے 338 رنز کا ہدف دیا تھا۔
بین اسٹوکس نے 76 گیندوں پر 84 رنز کی شاندار اننگز کھیلی، جو روٹ 60 رنز بنا کر نمایاں رہے، جونی بیرسٹو 59 رنز بنا کر حارث رؤف کا شکار بنے۔
View this post on Instagram
کپتان جوز بٹلر 27 رنز بنا کر رن آؤٹ ہوئے، ہیروک بروک کو 30 رنز پر حارث رؤف نے آؤٹ کیا، معین علی 8 رنز بنا کر پویلین لوٹ گئے۔
پاکستان کی جانب سے حارث رؤف نے تین وکٹیں حاصل کیں، محمد وسیم جونیئر اور شاہین شاہ آفریدی نے دو اور افتخار احمد نے ایک وکٹ حاصل کی۔
اس سے قبل انگلینڈ نے پاکستان کیخلاف ٹاس جیت کر بیٹنگ کا فیصلہ کیا تھا۔
View this post on Instagram
تاہم اب 13 ویں اوور میں پاکستان نے انگلینڈ کی پہلی وکٹ 82 رنز پر حاصل کی، انگلینڈ کے اوپنر ڈیوڈ ملان 31 رنز بنا کر آؤٹ ہوگئے۔
ٹاس کے موقع پر انگلینڈ کے کپتان جوز بٹلر نے کہا تھا کہ وکٹ بیٹنگ کیلئے اچھی ہے، زیادہ سے زیادہ رنز کرنے کی کوشش کرینگے، انگلینڈ ٹیم میں کوئی تبدیلی نہیں کی گئی، سیمی فائنل کی دوڑسے باہر ہیں لیکن اچھا اختتام چاہتے ہیں۔
دوسری جانب پاکستان کرکٹ ٹیم کے کپتان بابر اعظم کا کہنا تھا کہ ٹاس جیتتے تو بیٹنگ کرتے مگر ٹاس ہاتھ میں نہیں، کوشش کریں گے اپنی بہترین کرکٹ کھیلیں، ٹیم میں ایک تبدیلی ہے، حسن علی کی جگہ شاداب خان شامل ہیں۔
View this post on Instagram
سیمی فائنل تک رسائی کیلئے پاکستانی ٹیم اعداد و شمار کے عجیب و غریب کھیل سے دوچار ہے، انگلش ٹیم 50 رنز پر آؤٹ ہوئی تو پاکستان کو 2 اوور میں ہدف حاصل کرنا ہوگا، پاکستان کو 100 رنز کا ہدف ملا تو 3 اوور سے کم میں جیت حاصل کرنا ہوگی۔
