آئی سی سی اور بھارتی حکومت میں ٹیکس معاملات پر ٹھن گئی ہے جس کے بعد بھارت میں آئندہ سال کرکٹ ورلڈ کپ کا انعقاد کھٹائی میں پڑ گیا ہے۔
اے آر وائی نیوز کے مطابق انٹرنیشنل کرکٹ کونسل (آئی سی سی) اور بھارتی حکومت میں ٹیکس امور کے معاملات طے نہیں پاسکے ہیں۔
بھارتی کرکٹ بورڈ نے بھی ٹیکس معاملے میں کچھ نہ کرپانے کا عندیہ دے دیا ہے۔
میڈیا رپورٹس میں بتایا گیا ہے کہ ٹیکس چھوٹ نہ ملنے پر آئی سی سی ورلڈ کپ 2023 بھارت سے باہر لے جاسکتا ہے۔
رپورٹ کے مطابق بھارتی حکومت کرکٹ کی آمدنی کو ٹیکس سے مستثنیٰ کرنے پر راضی نہیں ہے، اسی طرح 2016 میں بھی ٹی20 ورلڈ کپ میں بھی ٹیکس چھوٹ نہیں ملی تھی۔
واضح رہے کہ ٹیکس چھوٹ نہ ملنے کی وجہ سے آئی سی سی نے بھارت کے حصے سے رقم کاٹی تھی۔یاد رہے کہ 2023 ون ڈے فارمیٹ کے ورلڈ کپ کی میزبانی بھارت کے پاس ہے۔
Comments
- Advertisement -