ایک روزہ عالمی کپ رواں سال بھارت میں کھیلا جائے گا تاہم اس کی رونقیں شروع ہو گئی ہیں اور آئی سی سی نے دو میسکوٹ متعارف کرا دیے ہیں۔
کرکٹ کا سب سے بڑا میلہ شروع ہونے میں دو ماہ سے بھی ڈیڑھ ماہ باقی ہے جو 5 اکتوبر سے بھارت میں شروع ہو رہا ہے تاہم اس کی رونقیں شروع ہوگئی ہیں اور آئی سی سی نے میگا ایونٹ کے حوالے سے دو رنگا رنگ میسکوٹ متعارف کرا دیے ہیں۔
The spirit of the @cricketworldcup comes alive 🙌
More on the #CWC23 mascots and how you can help name the pair 👇https://t.co/BTMNIwaEFU
— ICC (@ICC) August 20, 2023
مرد وخواتین کی جمائندگی کرتے ان میسکوٹ کی تقریب رونمائی بھارت کے شہر گروگرام میں ہوئی جس میں انڈر 19 ورلڈ چیمپئنز کپتانوں یش دھل اور شفالی ورما نے شرکت کی۔
آئی سی سی نے ان میسکوٹ کو کوئی نہیں دیا ہے بلکہ شائقین کو موقع فراہم کیا ہے کہ وہ 27 اگست کو میسکوٹ کا نام منتخب کر سکتے ہیں۔
The two #CWC23 mascots are here 😍
Have your say in naming this exciting duo 👉 https://t.co/AytgGuLWd5 pic.twitter.com/7XBtdVmtRS
— ICC (@ICC) August 19, 2023
آئی سی سی کے ہیڈ آف ایونٹس کرس ٹیٹلی نے کہا کہ میسکوٹ کرکٹ میں انرجی، جوش، جذبے اور شائقین کے اس کھیل سے بے پناہ لگاؤ کی ترجمانی کرتے ہیں، مردوں اور خواتین کی نمائندگی سے صنفی برابری کو فروغ دینے کی کوشش ہوئی ہے۔
