لندن: ورلڈ کپ 2023 کے آسٹریلیا کی جیت کے ساتھ اختتام کے بعد انٹرنیشنل کرکٹ کونسل (آ ئی سی سی ) نے ٹیم آف ٹورنامنٹ کا اعلان کر دیا۔
آئی سی سی کی اعلان کردہ ٹیم میں ورلڈکپ کی رنر اپ ٹیم بھارت کے 6، آسٹریلیا کے 2، نیوزی لینڈ، سری لنکا، جنوبی افریقہ کے ایک ایک کھلاڑی شامل ہے جب کہ کوئی بھی پاکستان کھلاڑی اس ٹیم میں جگہ بنانے میں ناکام رہا ہے۔
بھارت کرکٹ ٹیم کے کپتان روہت شرما کو آئی سی سی ٹیم آف دی ٹورنامنٹ کا کپتان مقرر کیا گیا ہے ان کے علاوہ بھارت کے ویرات کوہلی، لوکیش راہول، رویندرجڈیجہ، جسپریت بمراہ اور محمد شامی ٹیم آف دی ٹارنامنٹ کا حصہ ہیں۔
آئی سی سی فائنل کی چیمپئن آسٹریلیا کے میکسویل اور ایڈم زیمپا نے ٹیم میں جگہ بنائی ہے، نیوزی لینڈ کے ڈیرل مچل، جنوبی افریقہ کے کوئنٹن ڈی کاک اور سری لنکا کے مدوشنکا بھی جگہ بنانے میں کامیاب ہوئے ہیں۔
جنوبی افریقی آل راؤنڈر جیرالڈ کوٹزی بارہویں کھلاڑی کے طور پر منتخب کیے گئے ہیں۔
واضح رہے کہ آسٹریلیا آئی سی سی مینز ون ڈے ورلڈکپ کے فائنل میں ٹورنامنٹ کی ناقابل شکست اور میزبان ٹیم بھارت کو 6 وکٹوں سے ہرا کر چھٹی بار کرکٹ کا عالمی چیمپئن بن گیا۔
