آئی سی سی کرکٹ ورلڈکپ کا بھارت میں آغاز ہوچکا ہے تاہم نیوزی لینڈ اور انگلینڈ کے درمیان افتتاحی میچ میں شائقین کی تعداد مایوس کن حد تک کم رہی اور اسٹیڈیم خالی رہا۔
شائقین اس بات سے کافی ناخوش ہیں اور ورلڈکپ جیسے ایونٹ کے افتتاحی میچ میں خالی گراؤنڈ کا ذمہ دار بی سی سی آئی کو قرار دے رہے ہیں۔ کئی مداحوں نے اس کا موازنہ 2015 میں آسٹریلیا میں منعقد ہونے والے ورلڈکپ کے افتتاحی میچ سے بھی کیا جس میں گراؤنڈ پوری طرح سے بھرا ہوا تھا۔
سوشل میڈیا صارفین نے ورلڈکپ کے میچ میں خالی اسٹیڈیم دیکھ کر بھارتی بورڈ پرطنز کرتے ہوئے کہا کہ ’دولت سے ہر چیز نہیں خریدی جاسکتی‘۔ ایک خاتوں نے لکھا کہ ’کنگال بورڈ عرف امیرترین بورڈ‘۔
There are some things money can’t buy.
For everything else, there is BCCI. pic.twitter.com/jLOPSL5FUp
— Cricket & Stuff (@cricketandstuff) October 5, 2023
کئی صارفین نے سابقہ ورلڈکپ کے افتتاحی میچ کے دوران مداحوں سے پُر گراؤنڈ کی تصاویر شیئر کیں اور دنیا کے سب سے بڑے کرکٹ اسٹیڈیم سے خالی اسٹینڈز کی تصوریں شیئر کیں۔
Kangal board aka richest board 🤣
— Iraj Nouman 🌻 (@Iraj_Nouman7) October 5, 2023
واضح رہے کہ افتتاحی مقابلے میں نیوزی لینڈ نے انگلینڈ کو 9 وکٹوں سے شکست دی، تاہم کیویز بیٹرز کی شاندار بلے بازی دیکھنے کے لیے گراؤنڈ میں قلیل تعداد میں شائقین موجود تھے۔
Same energy pic.twitter.com/ynU7DT8YCP
— Cricket & Stuff (@cricketandstuff) October 5, 2023
فری ٹکٹس بانٹنے کے باوجود بھارتی عوام نے اسٹیڈیم کا رخ نہیں کیا۔ کرکٹ فینز اور سابق کرکٹرز بی سی سی آئی پر شدید تنقید کررہے ہیں۔ خیال رہے کہ میچز سے پہلے آن لائن بکنگ ویب سائٹ نے تمام ٹکٹس فروخت ہونے کا دعویٰ کیا گیا تھا۔