دنیا میں ہزاروں زبانیں بولی جاتی ہیں مگر ان میں سے چند ہی ایسی زبانیں ہیں جو کثیر اقوام بولتی ہیں کیا آپ جانتے ہیں اردو اس فہرست میں کس نمبر پر ہے؟
دنیا میں انسان نے ترقی کے ساتھ اشاروں کی زبان کو صوتی زبان میں تبدیل کیا اور جیسے جیسے دنیا کی آبادی بڑھتی گئی، نئے خطے آباد ہوتے گئے۔ ویسے ویسے نئے رسم ورواج کے ساتھ زبانیں بھی وجود میں آتی گئیں۔
غیر ملکی میڈیا کے مطابق اس وقت دنیا میں تقریبا سات ہزار کے قریب زبانیں بولی جاتی ہیں۔ مگر ان میں سے صرف چند درجن ہی ایسی زبانیں ہیں جو زبان زد عام مقبول اور کثیر اقوام بولتی ہیں۔ ان میں ہی ایک زبان اردو بھی ہے۔
رپورٹ کے مطابق دنیا بھر میں سب سے زیادہ بولی جانے والی زبان انگریزی (انگلش) ہے۔ اقوام عالم میں رابطوں کا سب سے بڑا ذریعہ سمجھی جانے والی یہ زبان ایک ارب 42 کروڑ سے زائد افراد بولتے ہیں۔
سب سے زیادہ بولی جانے والی زبانوں میں چینی زبان دوسرے نمبر پر ہے اور دنیا کے ایک ارب 11 کروڑ سے زائد افراد یہ چین میں بولی جانے والی زبان کا اس فہرست میں دوسرا نمبر ہے جسے 1.119 ارب افراد چین کے مختلف علاقوں میں بولتے ہیں۔
دنیا بھر میں سب سے زیادہ بولی جانے والی زبان میں تیسرے نمبر پر ہندی زبان ہے جس کے بولنے والوں کی تعداد 60 کروڑ سے زائد ہے۔ تاہم واضح رہے کہ ہندی زبان میں کثرت سے اردو زبان کے الفاظ استعمال کیے جاتے ہیں۔
دنیا کے 55 کروڑ سے زائد افراد اسپینش (ہسپانوی) زبان بولتے ہیں اور یہ 21 ممالک کی سرکاری زبان کا درجہ بھی رکھتی ہے۔
دنیا کی سب سے خوش لحن زبان سمجھی جانے والی ’’اردو‘‘ بولنے والوں کی تعداد 23 کروڑ سے زائد ہے اور یہ دسویں سب سے زیادہ بولی جانے والی زبان کا درجہ رکھتی ہے۔
