کراچی: میئر کراچی وسیم اختر اور پی ٹی آئی رہنما خرم شیر زمان کے درمیان لفظوں کی جنگ چھڑ گئی، خرم شیر زمان نے وسیم اختر کی پی ٹی آئی رہنماؤں پر تنقید کا بھرپور جواب دیا۔
تفصیلات کے مطابق میئر کراچی وسیم اختر نے پی ٹی آئی رہنماؤں پر تنقید کرتے ہوئے انھیں مونٹیسوری میں پڑھنے والے بچے قرار دے دیا۔
[bs-quote quote=”آئندہ کراچی کا میئر بھی پاکستان تحریکِ انصاف سے ہوگا۔” style=”style-7″ align=”left” color=”#dd3333″ author_name=”خرم شیر زمان” author_job=”پاکستان تحریکِ انصاف”][/bs-quote]
پاکستان تحریکِ انصاف کے رہنما خرم شیر زمان نے میئر کراچی کو جواب دیتے ہوئے کہا کہ اب یہ نا بالغ ہی آپ کو بتائیں گے کہ شہر کیسے چلے گا۔
خرم شیر زمان نے میئر کراچی کو باور کرایا کہ آئندہ کراچی کا میئر بھی پاکستان تحریکِ انصاف سے ہوگا۔
وسیم اختر نے پریس کانفرنس کرتے ہوئے پی ٹی آئی کو نشانہ بنایا اور کہا کہ یہ ابھی مونٹیسوری میں ہیں، ذرا وقت لگے گا، لیکن سیکھ جائیں گے۔ اس پر خرم شیر زمان نے جواب دیا کہ یہ نا بالغ ہی آپ کو بتائیں گے کہ شہر کیسے چلانا ہے۔
میئر کراچی نے کہا کہ مونٹیسوری میں لوگ غلطیاں کرتے ہیں، اس لیے میں درگزر کرتا ہوں۔ پی ٹی آئی رہنما نے انھیں آئینہ دکھاتے ہوئے کہا کہ جس سیاست سے وسیم اختر ہو کر آئے ہیں وہ سیاست ہم نہیں کرنا چاہتے۔
یہ بھی پڑھیں: تجاوزات کے خلاف آپریشن، تحریک انصاف کا میئر کراچی کو ہٹانے کا مطالبہ
دریں اثنا میڈیا میں میئر کراچی کی پریس کانفرنس کے دوران وسیم اختر اور ایم کیو ایم رہنما عامر خان کے درمیان اختلافات کی بازگشت گونجی، وسیم اختر نے کہا کہ تجاوزات آپریشن کے سلسلے مجھے نشانہ بنانے والے بے کار لوگ ہیں۔
جس پر عامر خان نے اپنا مؤقف دیتے ہوئے کہا کہ میئر کراچی وسیم اختر نے یہ بات میرے حوالے سے نہیں بلکہ پی ٹی آئی کے خرم شیر زمان کے لیے کہی۔
