بیجنگ : چین میں شیشے کے فرش والا دنیا کا طویل ترین پل سیاحوں کیلئے کھول دیاگیا، پل پرچلنے کیلئےعوام کاسمندر امڈ آیا۔
تفصیلات کے مطابق چین میں شیشے کے فرش والا دنیا کا طویل ترین پل سیاحوں کیلئے کھول دیاگیا یہ پل چین کےخوبصورت سیاحتی مقام پنگ شان میں بلند ترین پہاڑ وں کےدرمیان بنایا گیا ہے،جس کےافتتاح کےساتھ پل کا نظارہ کرنے کیلئےعوام فکاجم غفیرامڈ آیا۔
پل کی لمبائی چارسو اٹھاسی میٹر،چوڑائی چارمیٹرہے، پل زمین سے دوسو اٹھارہ میٹرکی بلندی پرواقع ہے۔
انتظامیہ کے مطابق اس پل پرتین ہزارسے زائدافراد کی گنجائش موجودہے لیکن احتیاطی طور پر چھ سوسیاحوں ایک وقت میں پل کا نظارہ کیا۔
لوگوں کے چلنے کے لئے بنائے گئے راستے کو 12 ملی میٹر موٹے شیشے سے بنایا گیا ہے، جس کے آر پار بھی دیکھا جاسکتا ہے اور چلنے والے شخص کو یوں محسوس ہوتا ہے کہ جیسے وہ ہوا میں چل رہا ہے۔
چین کے صوبے ہونان میں چند روز قبل ہی شیشے کے فرش والے دنیا کے سب سے بڑے پل کو سیاحوں کے لیے کھولا گیا تھا اوراس معلق پل کی کل لمبائی 430 میٹر ہے جو زمین سے 300 میٹر کی بلندی پرواقع ہے۔
