اسلام آباد : ڈبلیوڈبلیوایف پاکستان نے برفانی چیتے کے بچوں کی ویڈیو جاری کردی اور کہا برفانی چیتے ماحولیاتی نظام کو توازن میں رکھنے کیلئے اہم ہیں۔
تفصیلات کے مطابق برفانی چیتے کا عالمی دن آج منایا جارہا ہے ، اس دن کی مناسبت سے ڈبلیوڈبلیوایف پاکستان کیجانب سے برفانی چیتے کے بچوں کی ویڈیو جاری کی گئی۔
It’s World Snow Leopard Day!
We hope you enjoy this unique footage of two snow leopard cubs found thriving in Dhee Nala, in the buffer zone of Khunjerab National Park, Gilgit-Baltistan. pic.twitter.com/F7ot15JqT7
— WWF-Pakistan (@WWFPak) October 23, 2021
ویڈیو میں خنجراب نیشنل پارک کے مقام دیہنالہ میں چیتے کے 2 بچوں کی موجودگی کے مناظر دیکھائے گئے ہیں۔
سینئرڈائریکٹرڈبلیو ڈبلیو ایف رب نواز کا کہنا ہے کہ قراقرم کی حدود میں مقامی افراد نے برفانی چیتوں کی تعداد میں اضافے سے متعلق معلومات دی، برفانی چیتے ماحولیاتی نظام کو توازن میں رکھنے کیلئے اہم ہیں۔
Living in rugged terrain, snow leopards are the keystone species balancing the ecosystem. Their presence indicates the good health of their high-altitude habitat.
— WWF-Pakistan (@WWFPak) October 23, 2021
حکام نے بتایا کہ برفانی چیتوں کی تعداد میں اضافہ ماحولیاتی اعتبار سے بہترین ثابت ہوگا، ان سب کی زندگی کا دارومدار گلیشئرز سے ندیوں کے پانیوں پر ہے۔
رب نواز کا کہنا تھا کہ پاکستان میں برفانی چیتے کے رہائشی مقامات 80ہزار مربع کلومیٹر کے رقبے پر پائے جاتے ہیں ، عالمی سطح پر ہر سال 221سے450 کے لگ بھگ برفانی چیتے مارے جاتے ہیں، جن میں سے 55 فیصد ہلاکتیں مقامی افراد کے مویشیوں پر چیتے کے شکار کے جواب میں ہوتی ہیں۔
