اسلام آباد : بینکنگ کورٹ نے ممنوعہ فنڈنگ کیس میں عمران خان کو حاضری یقینی بنانے کے لیے آخری موقع دیتے ہوئے31 جنوری کو ذاتی حیثیت میں طلب کرلیا۔
تفصیلات کے مطابق بینکنگ کورٹ نے ممنوعہ فنڈنگ کیس کی سماعت کا تحریری حکمنامہ جاری کردیا۔
عمران خان کی درخواست پر بینکنگ کورٹ کی جج رخشدہ شاہین نے حکمنامہ جاری کیا، جس میں وارننگ کے ساتھ ایک دن کی حاضری سے استثنیٰ کی عمران خان کی درخواست منظور کرلی۔
- Advertisement -
عدالت نے عمران خان کو حاضری یقینی بنانے کے لیے آخری موقع دیتے ہوئے عمران خان کو 31 جنوری کو ذاتی حیثیت میں طلب کرلیا۔
حکمنامے میں عمران خان کو جلد شامل تفتیش ہونے کا حکم دیتے ہوئے کہا کہ عمران خان آئندہ سماعت پر ہر صورت عدالت کے سامنے
پیش ہو۔
عدالت نے 31 جنوری کو دلائل طلب کر لیے ، عمران خان نے بینکنگ کورٹ میں ضمانت کے لیے رجوع کررکھا ہے۔
