پاکستانی شوبز انڈسٹری سے تعلق رکھنے والی اداکارہ یشما گل نے خیال رکھنے والا شوہر ملنے پر کیریئر قربان کرنے کا اشارہ دے دیا۔
یشما گل نے اداکارہ دنانیر مبین کے ٹاک شو میں شرکت کی جہاں انہوں نے گفتگو کے دوران اپنے کیریئر اور ذاتی زندگی کے مختلف پہلوؤں پر بات کی۔
یہ بھی پڑھیں: یشما گل بیڈمنٹن میں بھی ماہر نکلیں
اداکارہ نے انکشاف کیا کہ جو بھی رشتے آتے ہیں وہ اداکاری چھوڑنے کی شرط رکھتے ہیں، اداکاری نے مجھے پہچان دی ہے اور یہ ایک جذبہ بھی ہے جس کی وجہ سے میرے لیے انڈسٹری چھوڑنا ایک مشکل فیصلہ ہوگا۔
View this post on Instagram
دنانیر مبین نے ان سے سوال کیا کہ کیا وہ محبت کیلیے اداکاری چھوڑنے پر غور کریں گی تو یشما گل نے جواب دیا کہ اگر کوئی شخص مجھ سے سچی محبت کرتا ہے اور اپنے تمام وعدے پورے کرتا ہے تو میں اپنے کیریئر کو قربان کر سکتی ہوں۔
نومبر 2024 میں یشما گل نے ایک ٹی وی شو کے دوران اعتراف کیا تھا کہ انہوں نے اچھے رشتے کی تلاش کیلیے میرج بیورو سے رابطہ کیا تھا اور ان سے 8 لاکھ فیس طلب کی گئی تھی۔
اس سے قبل اداکارہ نے شریک حیات میں موجود خصوصیات کے بارے میں گفتگو کی تھی۔
شو میں میزبان نے جب ان سے پوچھا تھا کہ وہ کس طرح کے شخص سے شادی کرنا چاہیں گی تو انہوں نے بتایا تھا کہ سب سے پہلے اس کا اخلاق اچھا ہونا چایے، وہ اصول پرست ہو اور سب سے بڑھ کر وہ خدا کا خوف رکھتا ہو۔
اس کی وجہ بتاتے ہوئے یشما گل کا کہنا تھا کہ خوفِ خدا رکھنے والا شخص اچھی طرح جانتا ہے کہ آپ اور آپ کے جذبات کا خیال کیسے رکھنا ہے اور آپ کیلیے کیا درست ہے۔شو میں اداکارہ نے یہ بھی بتایا کہ ان کی والدہ ان کے کزن سے شادی کروانا چاہتی ہیں۔
