اسلام آباد : حریت رہنما یاسین ملک کی بیٹی رضیہ سلطانہ کا عالمی برادری سےسوال کیا کہ کشمیری تیس دن سےکرفیو میں ہیں، کشمیری مر رہے ہیں انہیں مدد کی ضرورت ہے، کیاآپ کشمیریوں کی اس مشکل وقت میں مدد کریں گے یا نہیں۔
تفصیلات کے مطابق حریت رہنمایاسین ملک کی بیٹی رضیہ سلطانہ نے عالمی برادری اورانسانی حقوق تنظیموں کیلئے پیغام میں کہا ہے کہ کشمیری30دن سےکرفیومیں ہیں،اشیائےخوردونوش کی قلت ہے ، وہ مر رہے ہیں انہیں مددکی ضرورت ہے۔
رضیہ سلطانہ کا کہنا تھا کہ بھارت نے مقبوضہ کشمیرکوجیل میں بدل دیا،بچےاسکول نہیں جارہے، کیا کشمیریوں کی مشکل وقت میں مدد کریں گے یا نہیں۔
My Daughter Razia Sultana has a message for all of you.#KashmirBleedsForJustice pic.twitter.com/1zAKqvnHdT
— Mushaal Hussein Mullick (@MushaalMullick) September 3, 2019
خیال رہے مقبوضہ کشمیرمیں بھارت نے ریاستی دہشتگردی کی انتہا کردی ہے، مقبوضہ کشمیر کے باسیوں کو گھروں میں محصور ہوئے ایک ماہ ہوگیا، کھانے پینے کی اشیا اورادویات ختم ہونے سے بحران سنگین ہوگیا ہے۔
مزید پڑھیں : مقبوضہ کشمیرمیں 30ویں روز بھی کرفیو
قابض بھارتی فوج نے کشمیریوں کی جاسوسی کے لئے ڈرونز کا استعمال بھی شروع کردیا ہے جبکہ کھانے پینے کی اشیاء اوردوائیں ختم ہونے سے بڑے انسانی المیے کا خدشہ پیدا ہوگیا ہے۔
تعلیمی اداروں ہوں یا کاروباری مراکز یا پھر گلی محلوں کی دکانیں سب پرتالے پڑے ہیں، کمیونیکشن بلیک آؤٹ بھی بدستورجاری ہے، انٹرنیٹ، موبائل سروس، ٹی وی نشریات اور لینڈ لائن فون ہونے سے کشمیریوں کا رابطہ دنیا سے منقطع ہے۔
بھارتی فورسزنے نام نہاد آپریشن میں متعددنوجوانوں کوگرفتار کرلیا،گرفتارکشمیری نوجوانوں پربدترین تشددکیا جارہا ہے۔
