اداکار یاسر حسین کا کہنا ہے کہ نادیہ خان نے ڈرامہ کبھی نہیں بنایا تو کیسے بتا سکتی ہیں کہ کونسا ڈرامہ برا یا اچھا ہے۔
نجی ٹی وی کے شو میں گفتگو کرتے ہوئے اداکار یاسر حسین نے کہا کہ نادیہ خان کو تو ہم اداکاری کے حوالے سے کبھی نہیں جانتے انہیں تو مارننگ شو میں ’ہیپی ٹو یو‘ سے جانا جاتا ہے۔
اداکار کے مطابق نادیہ خان نے ایک الگ قسم کا مارننگ شو شروع کیا تھا اب انہوں نے کبھی ڈرامہ نہیں بنایا تو ہمیں کیسے بناسکتی ہیں کہ ڈرامہ کیسے بنتا ہے تو میں ان کی بات تو نہیں مانوں گا۔
انہوں نے کہا کہ نادیہ خان کی باتوں کو کسی کو بھی سیریس نہیں لینا چاہیے۔
یاسر حسین نے کہا کہ ان کی بات بڑی بیوقوفانہ تھی کہ بڑے ڈائریکٹر نے انہیں فون کیا پہلی بات تو یہ ہے کہ بڑا ڈائریکٹر ان کو فون کیوں کرے گا دوسری بات اس پاس اتنا وقت ہی کیوں ہوگا کہ ان کو فون کررہا ہے یہ کہنے کے لیے آپ نے اس ڈرامے کو چار نمبر دیے وہ زیادہ ہیں دو نمبر دینے چاہیے تھے۔
اداکار کے مطابق وہ ڈائریکٹر اتنا فارغ ہے کہ وہ بیٹھ کر ان کا شو دیکھ رہا ہے کہ یہ آپ نے غلط نمبر دیے ہیں دراصل وہ بتانا چاہ رہی تھیں کہ میرا شو کتنا کمال ہے۔
